William Thomson

Na Galipedia, a Wikipedia en galego.
(Redirixido desde "Lord Kelvin")
William Thomson, Lord Kelvin
William Thomson, Lord Kelvin
Lord Kelvin en 1906
Nacemento: 26 de xuño de 1824
Belfast, Ulster banner.svg Irlanda do Norte
Falecemento: 17 de decembro de 1907 (83 anos)
Largs, Escocia Escocia
Nacionalidade: Flag of the United Kingdom.svg Británico
Ocupación: Físico
Sinatura: Lord Kelvin Signature.svg

William Thomson, 1º Barón Kelvin, coñecido tamén como Lord Kelvin, (26 de xuño de 182417 de decembro de 1907), foi un físico-matemático, enxeñeiro, e unha personalidade sobresaliente das ciencias físicas do século XIX. Realizou importantes traballos de análise matemático da electricidade e de termodinámica, facendo por unificar a aínda emerxente disciplina da física na súa caracterización moderna.

É amplamente coñecido por desenvolver a escala Kelvin de medición da temperatura absoluta. Thomson estabeleceu a noción de cero absoluto, correspondente á ausencia absoluta de calor e presión dun gas. A partir de aí desenvolveu a nova escala, que se mide en graos kelvin (a notación e K), utilizada no sistema internacional de unidades. Estabeleceu tamén a variación do punto de fusión do xeo en función da presión, descubrindo ademais o arrefriamento debido á expansión dos gases.

O título de Barón Kelvin foille concedido en honra aos seus traballos, e toma esa denominación do río Kelvin, que flúe a través da universidade de Glasgow, Escocia, na que exerceu.

Thomson tivo unha segunda carreira como enxeñeiro de telégrafos e inventor, carreira que lle dou sona entre o grande público e aseguroulle riqueza, fama e honra.

Véxase tamén[editar | editar a fonte]

Outros artigos[editar | editar a fonte]