Logo de Google

Logotipo actual

O logo de Google é un deseño creativo que forma parte da imaxe corportaiva da empresa Google. O logotipo actual foi deseñado por Kedar Ruth, baseado na tipografía Catull. Para celebrar eventos especiais, Google troca o logo tradicional por un alusivo ó evento, o que recibe o nome de doodle.

Historia do logo

Antigo Logotipo de Google que se empregou dende 1999 ata 2010

Primeiro Logotipo de Google empregado en 1997.

Nos comezos de Google, Sergey Brin, fundador de Google xunto con Larry Page, crearon unha versión do logotipo coa axuda do programa de retoque fotográfico GIMP. O signo de exclamación colocado ó final do logotipo lembra ó de Yahoo!

Google Doodle

O primeiro Google Doodle que apareceu na páxina principal do motor de busca foi Burning Man o 30 de agosto de 1998. Os logotipos posteriores de Google foron deseñados polo deseñador gráfico Dennis Hwang, quen foi contratado por Larry Page e Sergey Brin para deseñar un logotipo que representase o Día da Bastilla.

Algúns logotipos de Google deseñaronse para conmemorar os nacementos e mortes de persoas famosas, como Isaac Albéniz, John Lennon, Andy Warhol, Albert Einstein, Leonardo da Vinci, Rabindranath Tagore, Louis Braille, Percival Lowell, Nikola Tesla, Enrique Granados, Béla Bartók, René Magritte, Michael Jackson, Freddie Mercury, Akira Kurosawa, H. G. Wells, Charlie Chaplin...

Véxase tamén

Ligazóns externas

• Dirección onde se recollen tódolos doodles