Lofotrocozoo

Na Galipedia, a Wikipedia en galego.
Lofotrocozoos
Nautilus shell.jpg

Nautilus

Clasificación científica
Reino: Animalia
Subreino: Eumetazoa
Sen rango: Bilateria
Superfilo: Lophotrochozoa
Filo

Trochozoa

Lophophorata

Os lofotrocozoos (Lophotrochozoa) son un dos principais grupos animais, todos eles bilaterais e protostomados, Este grupo de recente creación baséase na combinación de estudos morfolóxicos e moleculares (ARN, 18 S) cos que non todos os zoólogos están de acordo, e é probable que no futuro, cando xurda nova información, aparezan clasificacións que complementen ou polo menos cambien esta visión.

O nome de lofotrocozoos provén da combinación nomes dos dous grupos de animais máis importantes que figuran nel: os lofoforatos e os trocozoos.

Os moluscos, anélidos, sipuncúlidos e nemertinos producen larvas trocóforas, que teñen duas bandas de cilios arredor da zona medial. Con anterioridade foron tratados xuntos como trocozoos, xunto cos artrópodos, que non teñen este tipo de larva, pero que foron considerados parentes próximos dos anélidos (que sí teñen larvas trocóforas) porque ambos están segmentados. Non obstante, amosan un gran número de importantes diferenzas e os artrópodos se colocan agora entre os ecdisozoos.

Os braquiópodos, foronídeos, briozoos e entoproctos comparten a presenza dun lofóforo, unha coroa de tentáculos ciliados que rodean a boca e se lles coñece có nome de Lofoforados. A diferenza dos demais filos, teñen segmentación radial, e algúns autores os consideran deuteróstomos; pero análises cladísticos baseados no ARN os achegan aos trocozoos. As relacións filoxenéticas dos diferentes filos non están aínda claras. Ademais, parece que nin os lofoforados nin os trocozoos son grupos monofiléticos, senón que aparecen mesturados entre si en moitos análises cladísticos.

Os platelmintos e formas afines forman un clado denominado platizoos (Platyzoa), estreitamente relacionado cos lofotrocozoos e polo tanto, ás veces inclúense neles.

Notas[editar | editar a fonte]

Véxase tamén[editar | editar a fonte]

Wikispecies-logo.svg
Wikispecies posúe unha páxina sobre: Lofotrocozoo
Commons
Commons ten máis contidos multimedia sobre: Lofotrocozoo

Ligazóns externas[editar | editar a fonte]