Llywarch Hen

Na Galipedia, a Wikipedia en galego.

Llywarch Hen (que significa 'Llywarch o Vello') foi un príncipe do reino britónico de Rheged no século VI, unha familia reinante no Hen Ogledd ou 'Vello Norte' de Gran Bretaña (moderna Escocia meridional e Inglaterra setentrional). Era curmán do rei Urien Rheged e foi se cadra el tamén monarca da mesma rexión.

A súa vida foi obxecto dunha saga que se perdeu da que só sobreviviría a parte poética, unha serie de englynion. As palabras son postas na boca do mesmo Llywarch, malia seren compostas claramente algo máis tardiamente, posibelmente no século IX. Láiase da morte de Urien e volve a Rheged coa súa cabeza cortada. Outros britóns fixéronlle a guerra a Llywarch e logo viuse a vivir na pobreza. Aconséllanlle que fuxa a Powys e faino. Tamén aparece asociado ás veces con Llanfor, preto de Llyn Tegid en Gwynedd.

Nos poemas sobre Llywarch, coñecidos como Canu Llywarch Hen, dise que tivo vinte e catro fillos, pero varias fontes chegan a nomear ata trinta e nove, máis algunhas fillas. O Canu Heledd, que trata da caída dos reis da rexión de Pengwern, e a elexía Geraint fillo de Erbin, que trata da batalla de Llongborth, están tamén asociadas indirectamente con Llywarch.

Véxase tamén[editar | editar a fonte]

Bibliografía[editar | editar a fonte]

  • Ifor Williams (ed.), Canu Llywarch Hen (University of Wales Press, 1935). Original Welsh text, edited with notes.
  • Ford, Patrick K. "Llywarch, Ancestor of Welsh Princes." Speculum 45.3 (1970): pp. 442-50.
  • Jackson, Kenneth. "The Poems of Llywarch the Aged." Antiquity 9:35 (1935): 323-7.
  • Rowland, Jenny. Early Welsh Saga Poetry: A Study and Edition of the Englynion. Cambridge, 1990.
  • Sims-Williams, Patrick. "The Provenance of the Llywarch Hen Poems: A Case for Llan-gors, Brycheiniog." Cambrian Medieval Celtic Studies 26 (1993): 27-63.
  • Sims-Williams, Patrick. "The Death of Urien." Cambrian Medieval Celtic Studies 32 (1996): 25-56.
  • Williams, Ifor, Sir. "The poems of Llywarch Hên (Sir John Rhys Memorial Lecture)." Proceedings of the British Academy 18 (1934 for 1932): 209-302.
  • Williams, Ifor, Sir. Lectures on Early Welsh Poetry. Dublin, 1944.

Ligazóns externas[editar | editar a fonte]