Liña de alta velocidade Figueres-Perpiñán

Na Galipedia, a Wikipedia en galego.
Comezo da liña na estación de Figueres-Vilafant.

A liña de alta velocidade Figueres-Perpiñán é unha liña ferroviaria internacional que une España e Francia, conectando a rede de alta velocidade española coa rede ferroviaria francesa. Trátase dunha liña de concesión privada, explotada pola sociedade TP Ferro.[1] Está deseñada para permitir tráficos mixtos, tanto de viaxeiros coma de mercadorías, e encóntrase aberta ao tráfico comercial de trens dende decembro de 2010.[2]

Ten unha lonxitude total de 44,4 quilómetros: 24,6 en Francia e 19,8 en España.[1] O trazado discorre entre a estación de Figueres-Vilafant, onde enlaza coa liña de alta velocidade Madrid-Zaragoza-Barcelona-Fronteira francesa, e a cidade de Perpiñán, onde conecta coa rede ferroviaria convencional francesa cara a Montpellier. A liña inclúe un túnel de 8,3 quilómetros, o túnel do Pertús, que atravesa o Pireneo baixo a fronteira.[3]

Actualmente é a única conexión ferroviaria España-Francia que non require de cambio de ancho ou transbordo.

Notas[editar | editar a fonte]

  1. 1,0 1,1 El País, ed. (27 de decembro de 2003). «ACS adxudícase o tramo fronteirizo do AVE por 952 millóns». Consultado o 13 de abril de 2014. 
  2. El País, ed. (20 de decembro de 2010). «O tren máis rápido cruza os Pireneos». Consultado o 13 de abril de 2014. 
  3. La Vanguardia, ed. (19 de xullo de 2005). «Inauguradas as obras no túnel de Pertús da liña do AVE que unirá Figueres e Perpiñán». Consultado o 13 de abril de 2014. 

Véxase tamén[editar | editar a fonte]

Outros artigos[editar | editar a fonte]