Lhotse

Na Galipedia, a Wikipedia en galego.

Coordenadas: 27°57′42″N 86°56′0″E / 27.96167°N 86.93333°E / 27.96167; 86.93333

Lhotse
LhotseMountain.jos.500pix.jpg
Vista xeral do Lhotse
Altitude: 8 516 m
Latitude: 27º57'42" N
Lonxitude: 86º56'0" E
Localización: fronteira entre Nepal e o Tíbet
Cordilleira: Himalaia
Primeira acensión: 18 de maio de 1956 polos suízos Ernst Reiss e Fritz Luchsinger
Ruta máis fácil: polo glaciar

O Lhotse, con 8.516 metros (8.501 na medición antiga) é a cuarta montaña máis alta da Terra. Sitúase na cadea do Himalaia, na fronteira entre Nepal e o Tíbet, moi preto do Everest. Esta proximidade ao Everest ten feito que fose ignorada por moitos montañeiros. O macizo conta con varias cimas secundarias que superan os oito mil metros, así: o Lhotse do medio (sito a leste) con 8.414 m e o Lhotse Shar, con 8.383 m.

Nome[editar | editar a fonte]

O Lhotse é o cume E-1 dos servizos cartográficos da India, xa que segundo se di, era unha montaña que carecía dun nome local, ora en tibetano, ora fose en nepalés. Durante o mes de agosto de 1921, nun recoñecemento no Everest, a cargo de Howard Bury, ao non atopar unha designación local, púxolle de nome: Lhotse, que en tibetano quer dicer pico sur, en referencia a que a cima se sitúa ao sur do Everest.

Ascensión[editar | editar a fonte]

En 1956 a expedición suíza dirixida por Albert Eggler e formada por Wolfgang Diel, Hans Grimm, Hansrudolf Von Gunten, Eduard Leuthold, Fritz Luchsinher, Jürg Marmet, Fritz Müller, Ernest Reiss, Adolf Reist e Ernst Schmied, ademais de 22 sherpas, ás ordes de Pasang Dawa Lama achegáronse para tentar conquistar o cume do Lhotse. O 18 de maio Fritz Luchsinger e Ernst Reiss lograron o obxectivo.