Leyma

Na Galipedia, a Wikipedia en galego.

Coordenadas: 43°19′9.98″N 8°29′39.71″W / 43.3194389°N 8.4943639°W / 43.3194389; -8.4943639

Leyma
Leyma Central de Sabón Arteixo.jpg
Leyma Central Leiteira Sabón, Arteixo.
Fundación 1918
Localización Polígono de Sabón parcela 136, 15142 Arteixo A Coruña Galicia Galicia
Industria Leiteira
Produtos Leite envasada Nata
Páxina web leiterio.com

Leyma (Leche y Mantequilla) é unha empresa galega do sector lácteo. Ten as súas instalacións en Arteixo, e actualmente pertence ao grupo Leite Río.

Historia[editar | editar a fonte]

A orixe de Leyma data de 1918, pero non é ata 1952 cando sae á luz UTECO (Unión Territorial de Cooperativas del Campo) da Coruña, que desde 1962 utiliza como marca o nome de Leyma para comercializar leite pasteurizado, tras facerse en 1957 coa concesión para o abastecemento da cidade da Coruña.

En 1979 trasládase ao polígono industrial de Sabón (Arteixo), deixando as instalacións que hoxe ocupa o Club Financiero Atlántico á entrada da Coruña. En 1980 a UTECO transfórmase en Cooperativa Agraria Provincial, que en 1989 constitúe coa Central Lechera Asturiana a sociedade anónima Leyma S.A., con sede social na Coruña.

En 1993 créase o Grupo Lácteo Gallego, que adquire os activos de Leite Xallas, que era a terceira cooperativa láctea de industrialización en importancia en Galiza, e acádase un acordo con Cooperativas Lácteas de Galicia (COLAGA), en virtude do cal COLAGA pasa a ser propietaria do 50 % do grupo.

En 1994, Corporación Agroalimentaria Gallega, acada un acordo con Central Lechera Asturiana (CLAS) polo que recompra o 20 % das accións de Leyma. En 1995, o Grupo Lácteo Gallego adquire a Tabacalera o 100 % de Lactaria Española (LESA), comercializadora da marca RAM, comezando os problemas, ao adquirir débedas superiores aos 12.000 millóns de pesetas.

En abril de 1999, o grupo granadino PULEVA conmocionou ao sector lácteo galego ao anunciar a compra de Leyma-RAM. Dita compra rompía as expectativas para crear o chamado gran grupo lácteo galego, que contaba co visto e prace do presidente da Xunta, Manuel Fraga, e que consistía en que Caixa Galicia e Leite Celta se aliaran para facerse con Leyma-RAM e logo ofrecer participacións a Leite Río e a Feiraco.

A finais do ano 2000, PULEVA fusiónouse con Azucarera Ebro Agrícola, sendo o principal accionista da resultante Ebro Puleva o francés Saint Louis, que posúe o 13,5 % dos títulos, polo que a francesa era tamén a principal accionista da láctea galega.

En 2005 Leite Río merca as instalacións de Arteixo e a marca Leyma.

En 2012 Jesús Lence (propietario da empresa) presentou concurso de acreedores no Xulgado Mercantil de Lugo para Gensabon SAU, empresa que xestionaba a pranta de coxeración enerxética da fábrica de Sabón cunha débeda de catro millóns de euros[1].

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]