Lausana - Lausanne

Lausana
Situación
País	Suíza
Cantón	Vaud
Distrito	Lausana
Nome
Nome oficial	Lausanne
Alemán	Lausanne
Italiano	Losanna
Romanche	Losanna
Xeografía
Superficie	41,37 km2
Altitude  • Máxima  • Mínima	495 m 924 m (Jurat) 372 m (Lago de Xenebra)
Poboación
Poboación	133.280 (2010)
Densidade	3221 hab/km2
Lingua	Francés
Información
Código postal	1000 - 1018
Alcalde	Daniel Brélaz (GPS)
Sitio na web	www.lausanne.ch

Lausana (Lausanne, nome oficial en francés, Losena en arpitano) é unha cidade suíza de 133.280 habitantes (2010), o que a converte na cuarta cidade do país por poboación, tras Zúric, Xenebra e Basilea. Está situada ó oeste do país, e é capital do cantón de Vaud.

Xeografía

As principais características xeográficas da cidade son o lago de Xenebra e maila súa proximidade coa rexión de Gros-de-Vaud, de grande importancia agro-alimentaria na zona francófona de Suíza. A cidade de Xenebra, coñecida internacionalmente como sede da ONU, atópase tan só a poucos quilómetros de Lausana. Outras cidades como Vevey ou Montreux fan, cada vez máis, parte da "periferia" da cidade.

Historia

A orixe da cidade cómpre procurala nun campo militar romano de nome Lousanna, construido non onde está a poboación actual, senón onde agora se atopan as vilas de Vidy e Ouchy. Logo da caída do Imperio Romano, a inseguridade fronteiriza forzou o traslado de Lausana á súa ubicación actual, un outeiro de máis doada defensa.

Tras a revogación do Edito de Nantes en 1685, Lausana pasou a ser un refuxio dos Hugonotes franceses. Cara a 1750 empezaron a retornar a Francia, ata a fin da persecución oficial dos protestantes franceses en 1787.

Dende o 14 de abril do ano 1803, Lausana converteuse oficialmente en capital cantonal do Estado de Vaud, este mesmo integrado na confederación Suíza, segundo a constitución da rexión. No ámbito internacional esta cidade acadou o seu renome grazas, entre autros aspectos, á Sede do Comité Olímpico Internacional

Cultura

A Catedral de Notre Dame de Lausana.

A lingua oficial tanto da vila coma do cantón é o francés. No tocante á relixión, o catolicismo é a relixión do 38% dos habitantes da cidade, mentres que o 27% son protestantes. Un 17% di non profesar ningunha relixión. A terceira confesión é a musulmá, cun 6% de fieis.

Como cidade universitaria, goza de popularidade entre a xente nova. Ademais, son moitas as institucións educativas, suízas e internacionais, que teñen a súa central na cidade.

Lugares de interese

• Catedral de Lausana, chamada Catedral de Notre Dame. É un templo gótico erguido entre 1170 e 1240. A porta oeste foi engadida posteriormente en estilo gótico flamíxero.
• Museo Olímpico. Acolle exposicións permanentes e temporais de obxectos relacionados co deporte e o movemento olímpico, ademais dos arquivos do Comité Olímpico Internacional, cuxa sede está na cidade. Con máis de 10.000 pezas, o museo é o arquivo máis grande das Olimpíadas no mundo, entre as que salientan pezas escultóricas de Auguste Rodin ou Fernando Botero. Foi creado en 1993 por iniciativa de Juan Antonio Samaranch.

Véxase tamén

Outros artigos

Listaxe	Cidade	Cantón	Pob.	Listaxe	Cidade	Cantón	Listaxe	Zúric Xenebra Basilea
1	Zúric	Zúric	372.047	11	Thun	Berna	42.330
2	Xenebra	Xenebra	191.415	12	Köniz	Berna	38.793
3	Basilea	Basilea-Cidade	169.019	13	La Chaux-de-Fonds	Neuchâtel	37.523
4	Lausana	Vaud	133.280	14	Schaffhausen	Schaffhausen	34.587
5	Berna	Berna	123.466	14	Friburgo	Friburgo	34.490
6	Winterthur	Zúric	101.203	16	Vernier	Xenebra	33.517
7	San Galo	San Galo	72.642	17	Coira	Grisóns	33.377
8	Lucerna	Lucerna	59.509	18	Neuchâtel	Neuchâtel	32.770
9	Lugano	Tesino	55.060	19	Uster	Zúric	32.285
10	Biel/Bienne	Berna	50.455	20	Sion	Valais	29.718
Censo 2010

Ligazóns externas

• Páxina do concello de Lausana