Lauraceae

Na Galipedia, a Wikipedia en galego.
Lauráceas
o aguacate (Persea americana)
o aguacate (Persea americana)
Clasificación científica
Reino: Plantae
División: Magnoliophyta
Clase: Magnoliopsida
Orde: Laurales
Familia: Lauraceae
Juss., 1789
Xéneros
  • 55 xéneros, véxase no texto.

Ilustración do loureiro común (Laurus nobilis), arboriña común e autóctona de Galiza


Lauraceae, as lauráceas, é unha familia botánica com distribución tropical e subtropical, presentes nas forestas pluviais de Eurasia e as Américas, que inclúe máis de 2 500 especies agrupadas en 50 xéneros. A gran maioria son árbores e arbustos, agás as rubideiras parasitas do xénero Cassytha . Teñen un cheiro característico nas follas cando se esmagan, por mor da presenza de óleos esenciais.

En Galiza só atopamos unha especie autóctona, o loureiro común (Laurus nobilis), común en todo o territorio, e formando bosquetes en cavorcos termófilos do sur do país, con condicións semellantes ás laurisilvas macaronésicas.

Descrición[editar | editar a fonte]

Follas[editar | editar a fonte]

Simples, xeralmente alternas, ou menos frecuentemente opostas ou verticiladas, coriáceas e aromáticas.

Flores[editar | editar a fonte]

Bisexuadas (hermafroditas), monoicas ou dioicas, monoclamídeas, con cáliz infundibuliforme ou urceolado, averdado, amarelado ou avermellado, con 6 segmentos imbricados, desiguais ou iguais entre si, dispostos en 1-2 verticilos. Androceo polistémone, con ou sen estaminodios e dispostos en 3-4 verticilos, con anteras valvulares de 2-4 tecas. Ovario súpero, unilocular e uniovulado. Presentando inflorescencia paniculada.

Froito[editar | editar a fonte]

Tipo baga ou drupa monospermática, normalmente con cáliz cupuliforme persistente. Semente sen endosperma e embrión desenvolvido.

Xéneros[editar | editar a fonte]

Importancia económica[editar | editar a fonte]

Malia seren as lauráceas importantes compoñentes forestais em moitas partes do mundo, relativamente só unhas poucas especies teñen importancia local. O principal produto da familia é o aguacate, o froito de Persea americana, que, alén de ser consumido cru, en ensaladas, ou doces, del tamén se extraen graxan, usadas principalmente en cosmética, que tamén se extraen do loureiro común (Laurus nobilis) (cuxas follas úsanse en gastronomía coma adubo) e de Litsea sebifera.

Por séculos o principal produto económico da familia foi a canela, a casca da caneleira (Cinnamomum zeylanicum) e doutras especies de Cinnamomum - unha das famosas especias, que motivaron mesmo ás grandes expedicións marítimas para procuralas no Oriente. Outra especia desta familia é o alcanfor, substancia de cheiro penetrante característico, que se obtén da destilación da madeira do alcanforeiro (Cinnamomum camphora)[1].

Moitas outras especies aromáticas úsanse como condimentos, en escala local, como o pau cravo (Dicypellium caryophyllatum) que está ameazada de extinción no Brasil, pois non se cultiva; ou en perfumaría coma o pau rosa da Amazonia (Aniba rosaeodora).

A madeira das especies das Lauraceae é de excelente calidade, como a Mezilaurus itauba, coñecida no Brasil como itaúba, e a imbuia (Ocotea porosa).

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Commons
Commons ten máis contidos multimedia na categoría: Lauraceae
Wikispecies-logo.svg
Wikispecies posúe unha páxina sobre: Lauraceae