Lamas, Leiro

Para outras páxinas con títulos homónimos véxase: Lamas.

Lamas
Igrexa de Santa María de Lamas.
Concello	Leiro
Provincia	Ourense
Coordenadas	42°22′48″N 8°10′32″O
Poboación	124 hab. (2022)
Entidades de poboación	5
[ editar datos en Wikidata ]

Santa María de Lamas é unha parroquia do concello ourensán de Leiro, na comarca do Ribeiro. Segundo o IGE en 2010 tiña 193 habitantes (101 mulleres e 92 homes), distribuídos en 5 entidades de poboación, o que supón unha diminución en relación ao ano 1999 cando tiña 222 habitantes.

Toponimia

O orónimo provén do latín lama, e indica un lugar con lama ou lodo.

Xeografía

Moi preto da igrexa románica de Santa María de Lamas, no lugar de Lamas, atópanse os fermosos montes de Pena Corneira, dende os que se ve case que media Galicia. E dende Pena Corneira vese tamén moi ben e moi cerca o fermoso pobo de San Xoán de Orega.

Patrimonio histórico

A Igrexa de Santa María de Lamas está situada a 6 km do cruzamento de Leiro e a través dunha estrada local. Érguese nas proximidades do lugar que ocupou o castelo onde sufriu prisión Afonso VII. Tanto pola súa estrutura como polos seus motivos ornamentais, é unha mostra do románico rural galego. Ten unha nave e ábsida rectangulares, cuberta por bóveda de madeira. En cada un dos seus muros ábrense sinxelas portas románicas, sendo a máis notable a de poente, con volutas, capiteis e tímpano de características populares.

Lugares e parroquias

Lugares de Lamas

Lugares da parroquia de Lamas no concello ourensán de Leiro
O Casar | Corneira | Nogueira | A Serra | Valboa

Véxase tamén

Outros artigos

• Lugares de Leiro

Ligazóns externas

• Páxina non oficial do concello de Leiro