La Trinitat Nova

Na Galipedia, a Wikipedia en galego.

Coordenadas: 41°26′54.89″N 2°11′6.89″E / 41.4485806°N 2.1852472°E / 41.4485806; 2.1852472

Situación do barrio.

La Trinitat Nova é un dos trece barrios do distrito de Nou Barris da cidade de Barcelona. Non debe confundirse co barrio de Trinitat Vella, separado da Trinitat Nova pola Avenida Meridiana. La Trinitat Nova sempre foi un barrio marxinal, pero nos últimos anos o Concello de Barcelona traballou para evitalo. O barrio está delimitado polas rúas de Aiguablava, Via Favència e Garbí e pola Avenida Meridiana.

La Trinitat Nova, nos seus inicios, era unha zona axardinada con poucas edificacións. Na zona da Meridiana (a parte baixa do barrio), na década de 1950, comezáronse a construír pisos de protección oficial. Con pouco diñeiro para a construción e coa presión da época franquista, na década de 1990 diagnosticouse que tiñan aluminose. En 1997 apróbase un plan de reforma do barrio e os bloques vellos desaparecen, ao mesmo tempo que se crean zonas verdes.

A innovación máis grande do barrio foi a chegada do Metro de Barcelona. En 1999 chegou a liña 4 aproveitando o túnel dos talleres para facer a nova estación de Trinitat Nova e así prolongar a liña desde a estación de Via Júlia (anteriormente chamada Roquetes). Posteriormente, en 2003, inaugurouse a liña 11 (esta liña é en realidade unha prolongación da L4 en metro lixeiro). Finalmente, en 2008 chegou a liña 3, despois da súa prolongación desde a estación de Canyelles desta mesma liña.

Galería de imaxes[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: La Trinitat Nova Modificar a ligazón no Wikidata

Ligazóns externas[editar | editar a fonte]