La Seu d'Urgell

Na Galipedia, a Wikipedia en galego.
Catedral de La Seu d'Urgell

La Seu d'Urgell (antigamente Urgell ou Ciutat d'Urgell)[1][2] é un concello da provincia de Lleida, situado nos Pireneos cataláns, capital da comarca do Alt Urgell e cabeza do partido xudicial de La Seu d'Urgell.

É a sede do bispado de Urgell (o catalán seu é o equivalente do galego , "catedral") e foino tamén do antigo Condado de Urgell.

O concello ten unha extensión de 15,44 km² e en 2014 contaba con 12.366 habitantes. O xentilicio que designa os habitantes é urgellenc, -ca.

Xeografía[editar | editar a fonte]

A localidade está situada a 690 m sobre o nivel do mar, nas estribacións dos Pireneos, a tan só 10 km de Andorra, e no punto onde conflúen o río Segre e o máis pequeno Valira.

Limita ao norte co municipio de les Valls de Valira, con Montferrer i Castellbò ao oeste, con Ribera d'Urgellet ao suroeste, Alàs i Cerc ao sueste e Estamariu ao nordés.

O municipio está formado pola cidade de La Seu d'Urgell, a vila de Castellciutat, os arrabaldes de Sant Pere e El Poble-sec, a urbanización de Sant Antoni, as veciñanzas de Les Torres i Bell-lloc e os barrios de Santa Magdalena e Serrat de la Capella.

Notas[editar | editar a fonte]

  1. L'Enciclopèdia, la Seu d'Urgell.
  2. Monarquía de España pp. 324. 1770.

Véxase tamén[editar | editar a fonte]

Ligazóns externas[editar | editar a fonte]