La Litera

Na Galipedia, a Wikipedia en galego.
(Redirixido desde "La Llitera")
Localización da comarca en Aragón.
Concellos da comarca.

La Litera (La Llitera en catalán e oficialmente La Litera/La Llitera[1]) é unha comarca de Aragón, en España, situada ao leste da provincia de Huesca. A capital administrativa é Binéfar e a histórico-cultural é Tamarite de Litera.

Municipios[editar | editar a fonte]

A comarca engloba aos municipios de Albelda, Alcampell, Altorricón, Azanuy-Alins, Baélls, Baldellou, Binéfar, Camporrélls, Castillonroy, Esplús, Peralta de Calasanz, San Esteban de Litera, Tamarite de Litera e Vencillón.

Xeografía[editar | editar a fonte]

Limita ao norte coa comarca de Ribagorza, ao leste coa provincia de Lleida, ao sur coa comarca de Bajo Cinca, ao oeste coa comarca Cinca Medio e ao noroeste coa comarca de Somontano de Barbastro.

Linguas[editar | editar a fonte]

Na Litera exceptuando Binéfar e Esplús, fálase catalán (ademais do español) e ensínase nas escolas dúas horas á semana opcionalmente, sendo que case todos os alumnos das escolas na Litera como na Franxa de Aragón elixen o catalán.

O catalán na comarca, excetuando os municipios en que non se fala, figura como lingua propia na Lei de Linguas de Aragón do 2009 e o castelán como lingua oficial.

Notas[editar | editar a fonte]

  1. DECRETO LEXISLATIVO 2/2006, de 27 de decembro, do Goberno de Aragón, polo que se aproba o texto refundido da Lei de Delimitación Comarcal de Aragón.

Véxase tamén[editar | editar a fonte]

Ligazóns externas[editar | editar a fonte]