La Bordeta, Barcelona

Na Galipedia, a Wikipedia en galego.

Coordenadas: 41°22′13.78″N 2°8′13.55″E / 41.3704944°N 2.1370972°E / 41.3704944; 2.1370972

Antiga fábrica de Can Batlló, en La Bordeta

La Bordeta é un barrio do distrito de Sants-Montjuïc da cidade de Barcelona. O barrio está situado entre o barrio de Sants e L'Hospitalet de Llobregat, na parte baixa do antigo municipio de Sants. Era unha zona mixta de vivendas e pequenos talleres industriais, sen contar a antiga fábrica de Joan Batlló, coñecida como Can Batlló.

La Bordeta naceu dun antigo edificio no pé do camiño e ao lado da Riera Blanca, que no século XVI servía de hostal. O barrio acolleu a primeira chegada de obreiros indutriais cando a cidade comezou a primeira industrialización.

Nos últimos anos estase a desenvolver un importante proceso de reurbanización da Praza Cerdà e os seus arredores. Estas transformacións foron criticadas desde varias asociacións de veciños e veciñas da zona.

Lugares de interese[editar | editar a fonte]

Un dos espazons máis característicos do barrio é o conxunto industrial de Can Batlló. Establecido no último cuarto do século XIX, foi a sede da fábrica téxtil de Can Mangala ata a súa transformación, a partir de 1964, nun peculiar modelo de agrupación de pequenas e medianas industrias e talleres nun espazo común.

A parroquia de Sant Medir, construída en 1949 a carón de Can Batllí, foi desde entón un dos principais centros de actividade social e cultural do barrio. Converteuse nun polo dinamizador político e social con proxección ata Sants, Hostafrancs e outros barrios da zona, ademais dun dos berces da política clandestina da cidade e do país durante a posguerra e o final do franquismo. Unha mostra máis da vertente social impulsada desde a parroquia foi a constitución dunha cooperativa para a construción de vivendas sociais, inauguradas en 1957. Hai que destacar tamén no ámbito cultural a concesión do Premio Amadeu Oller de poesía, entregado pola parroquia desde 1965 a poetas inéditos.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: La Bordeta, Barcelona Modificar a ligazón no Wikidata