Lúa azul

Chámase lúa azul (tradución do inglés blue moon) á segunda lúa chea ocorrida durante un mesmo mes do calendario gregoriano (o usado habitualmente en Occidente), o que acontece aproximadamente cada tres anos. Orixinalmente o termo referíase ao cuarto plenilunio dunha estación calquera do ano. O fenómeno «lúa azul» cobrou popularidade cando se produciu dúas veces no mesmo ano (xaneiro e marzo) de 1999. Os medios de comunicación destacaron amplamente o acontecemento, pouco coñecido até entón. Naturalmente, o mes de febreiro de 1999 non se produciu ningunha lúa chea.

Baseándose a orixe do termo no calendario gregoriano, o seu uso difundiuse probabelmente na Europa medieval. A tradución galega non é abondo completa, xa que en inglés antigo a palabra da cal deriva ‘azul’, belewe ("blue"), podía significar ‘traidor’, en referencia quizais ao rompemento do costume dunha lúa chea cada mes.^[1] Entre tres e sete veces en cada século hai dúas lúas azuis nun mesmo ano. Por mor a que o mes de febreiro é o único cuxa duración é inferior ao ciclo lunar, a primeira sempre se produce en xaneiro e a segunda, en orde decrecente de probabilidade, en marzo, abril ou maio.^[2] Ollouse unha lúa azul o día 31 de decembro de 2009, coincidindo cun eclipse parcial de lúa, cuxo plenilunio previo foi o día 2 de decembro.

Algúns sitios xeradores de trolas afirman que a lúa efectivamente adopta unha cor azulina,^[3] como no filme dos Pitufos de 2011 The Smurfs.