Látridos

Na Galipedia, a Wikipedia en galego.
Latridopsis forsteri

Os látridos (Latridae) son unha familia de peixes mariños incluída na orde Perciformes.

O nome vénlles do grego latris, -ios, escravo, servo.

Morfoloxía[editar | editar a fonte]

Teñen o corpo alargado e a liña lateral rectilínea. Aleta dorsal única e continua, con 14-23 radios espiñosos e 23-40 radios brandos; aleta anal con e espiñas e 18-35 radios brandos; ventrais con 1 espiña e 5 radios brandos; pectorais redondeadas.

Hábitat e bioloxía[editar | editar a fonte]

Distribúense polo suesde de Australia, Nova Zelandia, Chile e sueste do Atlántico. Son especies de hábitos costeiros e valorados para pesca deportiva.

Taxonomía[editar | editar a fonte]

Divídense en tres xéneros e cinco especies:

  • Latridopsis (Gill, 1862)
    • Latridopsis ciliaris (Forster, 1801)
    • Latridopsis forsteri (Castelnau, 1872)
  • Latris (Richardson, 1839)
    • Latris lineata (Forster, 1801) (antes Latris hecateia)
    • Latris pacifica Roberts, 2003
  • Mendosoma (Guichenot, 1848)
    • Mendosoma lineatum (Guichenot, 1848)

A maiores, WORMS inclúe, con dúbidas, o xénero Micropus, que FishBase considera sinónimo do actual Caracanthus (familia Caracanthidae).

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Látridos
Wikispecies-logo.svg
Wikispecies posúe unha páxina sobre: Látridos