Kraken Mare

Na Galipedia, a Wikipedia en galego.
Kraken Mare
Kraken mare.jpg
Unha imaxe de radar de apertura sintética (arriba) superposta sobre outra no feita no espectro visible da rexión polar norte de Titán que amosa en toda a súa extensión o Kraken Mare.
Tipo de accidente xeolóxico Mare
Accidente xeolóxico de Titán
Diámetro 1.170 km
Superficie 400.000 km2[1]
Coordenadas 68° N 310° O
Procedencia do nome Kraken, un lendario monstro mariño.

Kraken Mare é o lago máis grande na superficie da lúa de Saturno, Titán. Foi descuberto pola sonda Cassini no 2007 e recibiu o nome de Kraken, o lendario monstro mariño da mitoloxía nórdica.[2]

Reflexión o xeito dun espello da rexión do Kraken Mare, detectada pola sonda Cassini o 8 de xullo do 2009

Con case toda seguridade Kraken Mare é o lago máis grande dos lagos da rexión do polo norte de Titán, xa que conta con preto de 400.000 km2 (cinco veces máis co lago Superior de Norte América e un pouco máis grande co Mar Caspio, o lago máis grande da Terra) e a superficie total das áreas escuras que moi posiblemente sexan lagos non sería moi superior nestas estimacións (baseadas nas imaxes obtidas por radar) os 510.000 km2 (un 40% máis de tamaño co Mar Caspio), co cal este lago sería con moito o máis grande dos lagos da rexión do polo norte de Titán.[1]

O seu status coma mar de hidrocarburos foi confirmado polas imaxes e datos obtidos por radar. Só unha porción do mar escaneada por radar, pero coma se pode ver na imaxe da caixa de información, o seu tamaño e moito máis grande, coma así reflexa a imaxe de fondo feita no espectro visible.

Unha illa que existe dentro deste mar recibe o nome de Mayda Insula.

Coma parte do proxecto da Titan Saturn System Mission, propúxose que esta sonda a probe amenizara no Kraken Mare para analiza-la súa composición, profundidade e outras moitas propiedades.


Imaxe dos lagos do polo norte de Titán. Podemos ver ó completo e cara a esquina inferior dereita o Ligeia Mare, á súa esquerda e atravesado por unha parte do mapa en branco, podemos ve-lo Kraken Mare coa súa gran illa do norte, a Mayda Insula, máis o norte (case sobre o polo) podemos ver parte do Punga Mare.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Kraken Mare