Keukenhof

Na Galipedia, a Wikipedia en galego.
Avenida de tulipáns.
Primeiro plano.

Keukenhof ("Xardín da cociña", en neerlandés), é un extenso parque de máis de 32 hectáreas situado entre as localidades de Lisse e Hillegom, nos Países Baixos. Tamén é coñecido como xardín de Europa.

Características[editar | editar a fonte]

Posúe unha importante colección de flores e híbridos de diferentes especies, invernadoiros (onde se venden flores, bulbos e sementes), muíños antigos, lagos, fontes e grandes paseos. Todo o complexo ten un belo tratamento artístico polo que as flores e lagos convértense na base das súas inmensas avenidas.

Os terreos do parque atopábanse dentro das posesións da nobre Xacoba de Baviera e dise que foi ela mesma quen o bautizou, nun dos seus habituais paseos pola zona, con ese nome ao identificar o cheiro das herbas e especias coa cociña do seu palacio. Trala súa morte os terreos pasaron a mans de ricas familias de comerciantes que, conscientes do seu atractivo, no ano 1840 encargaron a diversos pintores paisaxistas un primeiro deseño do que sería o futuro parque. Para iso os autores inspiráronse fortemente no estilo inglés imperante da época e utilizaron as flores como elemento esencial do deseño.

O parque atópase subdividido en catro grandes zonas que toman nome da familia real holandesa dos Oranje:

  • Pavillón Oranje Nassau.
  • Pavillón Willem Alexander.
  • Pavillón Reina Beatriz.
  • Pavillón Reina Juliana.

A entrada ao complexo é de pago. Sendo moi recomendable a súa visita durante os quince días centrais do mes de maio (aínda que adoitan abrir oito semanas ao ano, entre mediados de marzo e finais de maio), que é cando os campos de tulipanes están en floración. Existen estacións nas localidades de Haarlem e Leiden que dispoñen de autobuses turísticos para chegar a el.

Galería[editar | editar a fonte]

Ligazóns[editar | editar a fonte]

Commons
Commons ten máis contidos multimedia sobre: Keukenhof