Kenzaburō Ōe

Kenzaburō Ōe

(2012)
Nome orixinal	(ja) 大江 健三郎
Biografía
Nacemento	31 de xaneiro de 1935 Ōse (Imperio do Xapón)
Morte	3 de marzo de 2023 (88 anos)
Causa da morte	Morte natural  (Senilidade (pt) )
Datos persoais
País de nacionalidade	Xapón
Educación	Universidade de Toquio
Actividade
Campo de traballo	Actividade literaria
Ocupación	novelista , profesor universitario , escritor de ciencia ficción , guionista , ensaísta , escritor
Período de actividade	1957 - 2013
Empregador	Universidade de Princeton Universidade Libre de Berlín
Membro de	Academia das Artes e das Ciencias dos Estados Unidos
Xénero artístico	Novela e ensaio
Movemento	Existencialismo
Influencias	Jean-Paul Sartre
Lingua	Lingua xaponesa
Obra
Obras destacables The Silent Cry (en) (1964) A Personal Matter (en)
Familia
Fillos	Hikari Ōe (en)
Parentes	Jūzō Itami (pt) (irmão da esposa (pt) ) Itami Mansaku (pt) (sogro) Mansaku Ikeuchi (pt) (sobriño)
Premios (22 de maio de 2002)  comandante da Lexión de Honra (1996)  Grinzane Cavour Prize (en) (1994)  Premio Nobel de Literatura (1994)  Asahi Prize (pt) (1994)  Orden da Cultura (1990)  Sei Itō Award (en) (1984)  Kawabata award (en) (1983)  Prémio Yomiuri (pt) (1983)  Prêmio Osaragi Jirō (pt) (1973)  Noma Literary Prize (en) (1967)  Prémio Tanizaki (pt) (1964)  Shinchosha literature award (en) (1958)  Prémio Akutagawa (pt) , premiado polo traballo Prize Stock (en)

Kenzaburō Ōe (大江 健三郎), nado en Ouse (na actualidade parte do Uchiko, da prefectura de Ehime) o 31 de xaneiro de 1935 e finado en Toquio o 3 de marzo de 2023, foi un escritor xaponés. En 1994 converteuse no segundo xaponés gañador do premio Nobel de Literatura. Foi profesor do Colexio de México. O seu fillo, Hikari Ōe, padece de deficiencia mental, o que o levou a escribir Unha cuestión persoal (1964). En español foi traducido polo artista Kazuya Sakai e por Miguel Wandenbergh.

Traxectoria

Pasa a súa infancia e adolescencia en Ouse ata que, en 1954, se traslada a Toquio para iniciar a carreira de Filosofía e Letras. Finaliza a súa licenciatura catro anos despois, especializándose en literatura europea.

A súa vocación literaria parte da necesidade de aliviar o desarraigamento cultural e recuperar o que chamou "a mitoloxía do meu pobo". As súas obras, influenciadas fortemente pola literatura francesa, norteamericana e a teoría literaria, ligan coas ideas políticas, sociais e filosóficas incluíndo as armas nucleares, o non conformismo social e o existencialismo. O seu estilo é directo, de frases curtas e contundentes, que se nutren de poderosas imaxes poéticas e abundantes reflexións metafísicas.

En 1958 recibe o Premio Akutagawa pola súa novela "En Presa|Toma", na que narra as súas vivencias infantís.

En 1963 nace o seu fillo Hikari (luz), discapacitado por unha hidrocefalia e condenado ao autismo. Este acontecemento vaise a converter no eixo principal da súa vida e da súa obra. Os seus títulos máis importantes, como Unha cuestión persoal, Dinos como sobrevivir á nosa tolemia ou O berro silencioso virarán, en maior ou menor medida, en torno ao tema do seu fillo, como tamén ¡Espertade, oh novos da nova era! .

No ano 1994 foi galardoado co Premio Nobel de Literatura, xa que segundo a Academia Sueca, que coa forza poética da súa obra creou un mundo imaxinario, onde a vida e a mente se condensan para formar un cadro desconcertante dos problemas do home nos nosos días.

Obra seleccionada

• Shisha no ogori (1958)
• Memushiri kouchi (1958)
• Miru mae ni tobe (1958)
• Nichijo seikatsu no boken (1963)
• Kojinteki na taiken (1964)
• Hiroshima noto (1965)
• Man'en gannen no futtoboru (1967)
• Warera no kyoki o iki nobiru michi o oshieyo (1969)
• Okinawa noto (1970)
• Shosetsu no hoho (1978)
• Atarashii hito yo, mezameyo (1983)
• Natsukashii toshi e no tegami (1986)
• M/T to mori no fushigi no monogatari (1986)
• Jinsei no shinseki (1989)
• Chiryo no to (1990)
• Sukuinushi' ga nagura reru made (1993)
• Yureugoku (Vashirēshon) (1994)
• Ōinaru hi ni (1994)
• Kaifukusuru kazoku (1995)
• Torikae ko (Chenjiringu) (2001)
• Ureigao no dōji (2002)
• Ni hyaku nen no kodomo (2003)
• Sayōnara, watashi no hon yo! (2005)

Véxase tamén

Ligazóns externas

• Páxina do Instituto Nobel, Premio Nobel de Literatura 1994 (en inglés)