Kalomoira

Na Galipedia, a Wikipedia en galego.
(Redirección desde «Kalomira»)
Kalomoira Sarantis
Na semifinal de Eurovisión 2008
Nome completoMarie Carol Sarantis
AliasKalomoira, Kalomira e K-Moira
Data nacemento31 de xaneiro, 1985
Nado enNova York, Estados Unidos
OcupaciónMúsico
XéneroPop
Instrumento(s)Cantante
Selo(s) discográfico(s)Heaven Music
Tempo en activo2004 - presente
PseudónimoKalomira e Καλομοίρα
Na rede
Páxina oficial
IMDB: nm1738641 Instagram: itskalomira Spotify: 5T9CGApy15EDTEwl2yOXHo Musicbrainz: db70727e-6968-446f-96df-1dd3fc5e71d4 Songkick: 46153 Discogs: 2270989 Editar o valor em Wikidata
editar datos en Wikidata ]

Kalomoira (Καλομοίρα), de nacemento Marie Carol Sarantis (Μαρία Καλομοίρα Σαράντη), nada en Nova York o 31 de xaneiro de 1985, tamén coñecida como Kalomira ou K-Moira, é unha cantante greco-estadounidense cuxa carreira musical se desenvolveu en Grecia e Chipre.

En 2004 venceu o concurso musical Fame Story (versión grega de Operación Triunfo) e quedou en terceiro lugar representando a Grecia no Festival da Canción de Eurovisión 2008 con "Secret Combination".

Biografía[editar | editar a fonte]

Kalomoira naceu no condado de Nassau, situado en Nova York. Os seus pais, Nikosinas e Elenas, son de orixe grega e propietarios dun restaurante. Ademais, Kalomoira tamén ten unha irmá.

Dende pequena comezou a interesarse polo mundo da actuación, comezando a estudar viola e a actuar en obras escolares dende temperá idade. Cando alcanza a maioría de idade participa, a instancias do seu tío, nun concurso organizado por unha radio local neoiorquina. Kalomoira quedou en segundo lugar e empezou a realizar varios bolos con outros artistas populares como Jessica Simpson o LL Cool J.

Tras graduarse na Universidade Adelphi no ano 2004, Kalomoira informouse da apertura dos castings da segunda edición de Fame Story, concurso da cadea grega ANT1 similar a Operación Triunfo, e decide participar nunha audición organizada en Estados Unidos. A pesar de que o seu idioma é o inglés, Kalomoira xa estivera en varias ocasións en Grecia e podía defenderse na súa lingua. A cantante logrou superar os castings e, tras superar varias probas, logrou converterse nunha das concursantes de Fame Story.

A pesar de ter durante os seus primeiros días pequenos problemas de adaptación, Kalomoira logrou superalos, pouco a pouco mellorou e converteuse nunha das favoritas do público, gañando finalmente o concurso. O primeiro lugar en Fame Story garantiulle un premio de 200.000 e un contrato discográfico con Heaven Music, selo pertencente a cadea ANT1.

Carreira discográfica[editar | editar a fonte]

O 1 de setembro de 2004 Kalomoira sacou o mercado o seu primeiro álbum de 15 cancións. O seu primeiro disco, de título homónimo, que logrou ser disco de ouro en Grecia e Chipre, contiña varios temas interpretados en grego e inglés e obtivo unha boa repercusión da crítica. En 2005 lanzou un segundo álbum chamado Paizeis?, con 12 cancións das cales dúas estaban compostas por ela. Tamén realizou varias actuacións con outros artistas como Elli Kokkinou o Constantinos Christoforou, que a axudaron a confirmarse no panorama musical grego.

No ano 2006 Kalomoira deu o salto definitivo á televisión como co-presentadora do programa Pio Poli Tin Kiriaki, un show de variedades emitido polo canal nacional grego Mega Channel. Ademais lanza un terceiro álbum, con versión de cancións do cine grego, chamado I Kalomoira Paei Cinema.

Evdokia Kadi, Vlad Mirita e Kalomoira nunha festa de Eurovisión en Belgrado, 16 de maio de 2008

A finais de 2007, a discográfica Heaven Music selecciona a Kalomoira como a súa concursante para a preselección de Grecia no Festival da Canción de Eurovisión 2008. Kalomoira escolleu un tema Pop chamado "Secret Combination", de son bastante norteamericano e con toques da música grega. Tras vencer en dita preselección en febreiro de 2008, Kalomoira converteuse na representante grega nesa edición. Para promocionar o tema, Kalomoira realizou unha xira por outros países participantes.

"Secret Combination" logrou éxito no festival. Tras pasar en primeiro lugar a primeira semifinal de Eurovisión, Kalomoira quedou en terceiro lugar na final, con 218 puntos e sendo superada só por Dima Bilan e Ani Lorak. Ademais, conseguiu con este tema posicionarse no primeiro lugar nas listas gregas e chipriotas, no posto 40 na lista de sinxelos do Reino Unido e no Top 10 de descargas de numerosos países, entre eles o Canadá e Australia. O seu cuarto álbum, titulado igual que o seu tema eurovisivo, saíu o mercado o 29 de maio de 2008 en Grecia, con 12 cancións en grego e en inglés. No verán de 2008, Kalomoira marchou de volta a Nova York tras manter unha disputa con Heaven Music sobre o seu novo álbum, que non logrou as vendas esperadas pola discográfica. A artista declarou que tivo que poñer parte do seu propio diñeiro para a produción do último álbum, mostrando así o seu descontento coa discográfica, pero continuou coa súa carreira musical. Actualmente reside en Nova York coa súa familia e o seu noivo.

Véxase tamén[editar | editar a fonte]

Ligazóns externas[editar | editar a fonte]