Kalimotxo

Na Galipedia, a Wikipedia en galego.
O kalimotxo adoita ser preparado de forma caseira e en grandes cantidades.

O kalimotxo é un cómbinado de viño tinto e refresco carbonatado de cola, preparado en diversas partes con distintos nomes e variantes na súa mistura.

Preparación[editar | editar a fonte]

Vaso de plástico grande de kalimotxo.

Acostúmase usar viño de mesa polo seu prezo asequible e porque o refresco oculta as propiedades dos viños máis caros. Dado que é unha bebida usada en festas populares, adóitaselle engadir xeo para enfrialo.

En ocasións engádeselle un pouco de licor, ben de bebidas espirituosas (vodka ou ron), ben doutros licores (sabor a amorodo), ben viño branco, ou ben outros refrescos con sabor a laranxa ou limón.

É frecuente o seu uso nos botellóns. A preparación máis frecuente, por comodidade e economía, é a mistura a partes iguais de dous tetrabricks de viño (formato habitual do viño barato) e dous litros de cola.

Nome[editar | editar a fonte]

A orixe do nome non está claro. Na década de 1970 era coñecido segundo as zonas como cuba libre pobre ou rioja libre. Segundo a sabedoría popular, o termo "kalimotxo" procede do éuscaro. En 1972, nas festas de Getxo (Biscaia) a mistura foi chamado así polo grupo de amigos Antzarrak[1]. Nunha txosna (caseta con barra de bar) tiñan o viño picado, e para non tiralo misturárono con cola. Os artífices foron dous rapaces alcumados Kalimero e Motxo que deron nome á bebida. O termo iríase extendendo por Euskadi e pola Península Ibérica.

Notas[editar | editar a fonte]

  1. "En el nombre del kalimotxo", artigo en El Correo Digital, 10 de setembro de 2006 (en castelán).