Kátia Aveiro

Kátia Aveiro
Nome completo	Kátia Liliana dos Santos Aveiro
Alias	Kátia Aveiro
Data nacemento	5 de outubro de 1977 (46 anos)
Nado en	Funchal, Illas Madeira
Fillos	José Dinis Pereira Aveiro
Irmáns	Cristiano Ronaldo, Elma dos Santos Aveiro e Hugo dos Santos Aveiro
Ocupación	Cantante,
Xénero	Pop, Eurodance, Balada
Instrumento(s)	Voz
Relacionado con	Cristiano Ronaldo
Tempo en activo	Dende 2005
Pseudónimo	Ronalda e Kátia Aveiro
Na rede
	http://www.ronaldanews.pt.vu/
	[ editar datos en Wikidata ]

Kátia Liliana dos Santos Aveiro, máis coñecida como Kátia Aveiro ou Ronalda é unha cantante portuguesa.

Comezou a súa carreira no ano 2005, co alcume de Ronalda pero no 2013 saca o primeiro sinxelo co seu nome, Katia Aveiro, Boom sem parar.

Carreira[editar | editar a fonte]

2005-13: Ronalda[editar | editar a fonte]

No 2005 comeza a súa carreira musical baixo o alcume de «Ronalda», facendo referencia ao seu irmán, o futbolista Cristiano Ronaldo. A maioría das cancións que compón Kátia son baladas, xa que falan do amor e teñen un ritmo lento.

O seu primeiro disco, chamado Pronta pra te amar, foi editado en 2005 e constaba de once cancións totalmente en portugués, o primeiro sinxelo levaba por título o mesmo que o CD: Pronta pra te amar.

Ao ano seguinte, Kátia, despois do seu éxito obtido, lanzou Esperança (2006). Foi tal o éxito deste cd en Portugal que Kátia fixo a súa primeira xira, Esperança Tour, por todo o país. A canción que máis repercusión tivo foi «Obrigada man», unha canción dedicada ao seu irmán Cristiano Ronaldo.

Kátia publicou o seu terceiro disco de estudo, chamado De corpo e alma, un disco bastante decisivo na súa carreira, xa que despois deste cd, estaría sen volver cinco anos aos escenarios. O disco contén a canción de apoio á selección de fútbol portuguesa no Mundial de Fútbol de 2006, e unha canción ao seu pai falecido, Dinis Aveiro, chamada Hope to see you.

Dende 2013: Kátia Aveiro[editar | editar a fonte]

Despois de cinco anos, Kátia deixou de ser Ronalda para volver aos escenarios. Foi producida por Redone, o produtor de Just dance (de Lady Gaga) e Live it up (de Jennifer Lopez), entre outros. A canción principal chámase Boom sem parar, e saíu ao mercado en 2013, unha canción que en menos de quince días contaba cun millón de visitas en Youtube.

Kátia obtivo tanto éxito, que é o seu primeiro traballo internacional, tendo presentacións en Portugal, Galiza, España, Francia e o Brasil. O 28 de febreiro de 2014 anunciouse que participará na nova edición do reality espectáculo, Superviventes 2014 na cadea española Telecinco.