Julio Medem

Julio Medem
	;
Biografía
Nacemento	21 de outubro de 1958 (65 anos); Donostia (España)
Datos persoais
País de nacionalidade	España
Educación	Universidade do País Vasco
Actividade
Ocupación	director de cinema , produtor de cinema , montador , guionista , realizador
Lingua	Lingua castelá
Familia
Irmáns	Ana Médem (pt)
	Premios (1993) Premio Goya ó mellor director novel, premiado polo traballo Vacas; (1993) Sutherland Trophy (en) , premiado polo traballo Vacas ;
Páxina web	juliomedem.org

Julio Medem, nado en Donostia o 21 de outubro de 1958, é un director de cinema e guionista vasco.

Traxectoria[editar | editar a fonte]

Naceu o 21 de outubro de 1958 en Donostia. Desde pequeno empeza a xogar coa cámara superoito que esconde o seu pai, e roda escenas cotiás que teñen como protagonista á súa irmá Ana. Aínda que se licencia en medicina e cirurxía xeral, nunca abandona a súa gran paixón: o cine. O seu primeiro traballo é no diario "La voz de Euskadi", onde colabora como crítico cinematográfico. Tras algunhas colaboracións en publicacións varias, roda finalmente as súas primeiras curtas en superoito.

Logo de traballar nalgunhas obras como El jueves pasado (1977) ou Si yo fuese poeta (1981), lánzase a rodar por primeira vez en 35 mm. Patas en la cabeza (1985), producida por Luís Campoy e o propio Medem, consegue gañar o Premio de Cine Vasco e o Certame Internacional de Cine Documental e Curtametraxe de Bilbao. Neste mesmo certame, pero un ano máis tarde, gaña o Premio Telenorte coa súa galardoada curtametraxe Las seis en punta (1987).

Desde ese ano, Medem traballa como axudante de dirección, montador e guionista, e dedícase por completo ó cine. En 1988 escribe e dirixe a mediometraxe Martín (1988), producido por Elías Querejeta, ao que lle segue outra película sobre a Segunda Guerra Carlista. O seu salto á longametraxe faio con Vacas (1992), unha orixinal historia que merece o Goya á Mellor Dirección Novel, ademais de diversos galardóns nos festivais de Toquio, Turín e Alexandría.

En 2000 falece a súa irmá Ana nun accidente de tráfico, pintora de profesión, que se dirixía a inaugurar unha exposición súa. Este feito serviu para que en 2007 estrease a película Caótica Ana.