Jubilee (filme 1977)

Na Galipedia, a Wikipedia en galego.

Jubilee é un filme de 1977, o segundo dos dirixidos polo británico Derek Jarman. O seu título fai mención ao xubileo de prata da raíña Isabel II, é dicir, ao seu 25º aniversario como monarca.

Historia[editar | editar a fonte]

Aviso: Esta sección pode revelar detalles da trama e/ou do argumento.

A raíña Isabel I de Inglaterra é transportada no tempo polo ocultista John Dee, grazas aos poderes do espírito Ariel (un personaxe d'A Tempestade de Shakespeare), e chega ao ano 1977, xusto cando nunha liorta nun eido dos arrabaldos a raíña Isabel II é asasinada. Isabel I móvese entón a través dun Londres decadente, dominado pola violencia, e onde o principal interese son os grupos de música punk e a arte é unha forma cultural extinta.

A acción céntrase no seguimento dun grupo de mozas e das súas aduanadas: unha pirómana, unha au pair francesa escravizada, unha parella de irmáns homosexuais nunha relación incestuosa, unha pintora nun mundo en que a arte desapareceu, unha escritora que fai as súas propias versións resumidas da historia da decadencia de Inglaterra e Rod, a asasina da raíña Isabel, e que porta a súa coroa. Nunha redada contra un local de bingo ilegal, a policía asasina a parella de irmáns (Angel e Sphinx), e o grupo decide tomar vinganza, acoitelando un dos policías e queimando outro cun cóctel molotov. As escenas de violencia son constantes, con disparos, pelexas, sangue e coiteladas, así como as de sexo explícito, tanto de sexo por parellas como orxías, e crimes sexuais rituais.

Punk[editar | editar a fonte]

No filme aparecen distintas referencias ao movemento punk: fotografías da raíña caricaturizadas, un vídeo musical cunha versión pop do himno Rule Britannia, unha cunca de almorzo coa cabeza de Winston Churchill que escacha no chan... Ademais, no filme aparecen diversas iconas do movemento punk, como unha amante de Malcolm McLaren (Jordan), Toyah Willcox, Nell Campbell, Adam Ant, Demoriane e Wayne County. Ademais, algúns deses artistas interpretan a súa música no filme, como Wayne County e Adam and the Ants, xunto con The Slits e Siouxsie and the Banshees.

Actores, actrices e papeis[editar | editar a fonte]

Jenny Runacre Raíña Isabel I / Bod
Nell Campbell Crabs
Toyah Willcox Mad
Jordan Amyl Nitrite
Hermine Demoriane Chaos
Ian Charleson Angel
Karl Johnson Sphinx
Linda Spurrier Viv
Neil Kennedy Max
Jack Birkett Borgia Ginz
Jayne County Lounge Lizard
Richard O'Brien John Dee
David Brandon Ariel
Helen Wellington-Lloyd Bufona
Adam Ant Kid
Claire Davenport Policía de fronteira
Donald Dunham Policía
Iris Fry Bingueira
Quinn Hawkins Neno
Barney James Policía
Lindsay Kemp Artista de cabaret
Ulla Larson-Styles Camareira
Howard Malin Schmeitzer
Luciana Martínez Dama de compañía de Borgia Ginz
William Merrow Maurice
Gene October Happy Days
Prudence Walters Dama de compañía de Borgia Ginz
Joyce Windsor Bingueira
Steven Severin Facendo de si mesmo
Duggie Fields Esmorgante
Siouxsie Sioux Facendo de si mesmo

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]