Josep Bargalló i Valls

Na Galipedia, a Wikipedia en galego.
Josep Bargalló i Valls
Datos persoais
Nacemento3 de outubro de 1958
 Torredembarra
OrganizaciónEsquerra Republicana de Catalunya
CónxuxeMontserrat Palau i Vergés
Alma máterUniversidade de Barcelona e Universidade Rovira i Virgili
ProfesiónFilólogo e político
Na rede
IMDB: nm0054523 Twitter: JosepBargallo Editar o valor em Wikidata
editar datos en Wikidata ]

Josep Bargalló i Valls (Torredembarra, 1958) é un político catalán e ex-Conseller en Cap (vicepresidente) da Generalitat de Cataluña.

Josep Bargalló licenciouse en filoloxía catalá pola Universidade de Barcelona. Afiliouse a Esquerra Republicana de Catalunya en 1995, pero xa era deputado por esta formación desde 1992 e continuou séndoo até 2003. Simultaneou funcións co seu posto de tenente de alcalde no seu concello natal (1999-2003) e o de vicepresidente do Consello Comarcal do Tarragonés.

Precisamente, foi en 2003 cando Bargalló ocupou o seu primeiro cargo político importante. A finais dese ano, e após a vitoria postelectoral do Partit dels Socialistes de Catalunya (PSC), Iniciativa per Catalunya-Els Verds (IC-V) e o seu propio partido, Esquerra Republicana de Catalunya (ERC), foi designado conselleiro de Educación (Conseller d'Ensenyament). Ocupou o cargo desde o 20 de decembro dese ano até o 20 de febreiro de 2004.

Logo do cesamento de Josep-Lluís Carod-Rovira como Conseller en Cap (xaneiro de 2004) por se ter reunido coa banda terrorista ETA, Bargalló foi elixido como sucesor, ocupando o cargo desde o 20 de febreiro dese ano até o 11 de maio de 2006 (data na que o presidente da Generalitat, Pasqual Maragall, destituíu todos os cargos de ERC das súas funcións).