Xosefa de Bastavales
Biografía | |
---|---|
Nacemento | (es) Josefa de Bastavales 20 de xullo de 1932 (91 anos) Gorgullos, España |
Datos persoais | |
País de nacionalidade | España |
Actividade | |
Ocupación | percusionista |
Lingua | Lingua castelá |
Josefa Juncal Barreiro, máis coñecida como Josefa de Bastavales, nada en Santaia (Gorgullos, Tordoia) o 20 de xullo de 1932, é unha pandeireteira galega.
Traxectoria[editar | editar a fonte]
Comezou o seu interese no mundo da música por medio dun veciño que tocaba o acordeón nas celebracións relixiosas na igrexa de Bastavales (Brión). Josefa aprendeu a tocar o acordeón e comezou a practicar coa pandeireta pola súa conta e máis a cantar. Cando cumpriu os dezaseis anos os seus pais fóronse a vivir á parroquia de Bastavales. A pesar de deixar de vivir en Tordoia, Josefa seguiu mantendo contacto co seu concello natal, e ía con frecuencia ás súas romarías. Pódese dicir que Josefa foi unha muller autodidacta no mundo da música, ela ten moitas habilidades para tocar certos instrumentos musicais e tamén para cantar.
Josefa colaborou en diversos programas de televisión, visitando distintos lugares da xeografía galega e compartiu escenario con distintos grupos de recoñecido prestixio tanto a nivel nacional como internacional. Entre eles están Cristina Pato, Susana Seivane, Fuxan os ventos e o grupo de música folk irlandés The Chieftains.
Esta veciña de Brión foi impulsada polo músico Manu Chao e viviu a súa mellor experiencia musical actuando con el no Festival Internacional de música en Francia. Tamén da súa man actuou en distintos concertos en Barcelona.[1].
Na actualidade Josefa tivo a oportunidade de gravar unha película pero ela non aceptou xa que as súas fillas non podían acompañala, como o fixeran antes nas viaxes con motivo dos concertos.
Notas[editar | editar a fonte]
- ↑ "Josefa, a pandereteira de Manu Chao"; "A veciña de Bastavales, con 72 anos de idade, estivo de xira por terras de España e Francia canda o intérprete de orixe galega durante 9 meses" Arquivado 13 de marzo de 2009 en Wayback Machine. Artigo en TierrasDeSantiago.com (23 de xaneiro de 2007) (en castelán)