José Pasín Romero
| Biografía | |
|---|---|
| Nacemento | 1878  Santiago de Compostela, España |
| Morte | 10 de xullo de 1960 (81/82 anos) Santiago de Compostela, España |
| Lugar de sepultura | cemiterio de Boisaca |
| Datos persoais | |
| País de nacionalidade | España |
| Actividade | |
| Ocupación | xornalista , político , ebanista |
| Lingua | Lingua castelá |
| Familia | |
| Fillos | Marcelino Pasín Noya, Modesto Pasín Noya |
José Pasín Romero, nado en Santiago de Compostela en 1878 e finado na mesma cidade o 10 de xullo de 1960, foi un sindicalista e político galego.
Traxectoria[editar | editar a fonte]
Obreiro ebanista de ideario republicano federal, organizou sociedades de distintas profesións, culminando na Federación de Obreros y Agricultores de Santiago y pueblos comarcanos. Fundou os periódicos La Defensa (1913) e Lucha Social (1919-21), órgano da Federación de Obreros y Campesinos, da que foi presidente. Tamén foi director de La Redención (voceiro da Federación de Agricultores de Padrón) na súa última época. A súa participación na folga xeral de 1917 levouno ao castelo de San Antón, onde estivo preso durante varios meses.
Foi o primeiro concelleiro obreiro de Santiago de Compostela nas eleccións municipais de 1909, vencendo a Felipe Romero Donallo. Continuou como concelleiro en Compostela nas sucesivas eleccións ata a ditadura de Primo de Rivera. Volveu ser elixido concelleiro en 1931, nas municipais que trouxeron a Segunda República, formou parte da Federación Republicana Gallega e chegando a ser primeiro tenente de alcalde ata a súa expulsión do Concello en 1934.
Co golpe de Estado do 18 de xullo de 1936, varios falanxistas trataron de detelo, e estivo fuxido durante tres anos polas aldeas dos arredores. Dous dous seus fillos foron asasinados (Marcelino e Modesto) e outro, Luis, salvouse. Finou en Santiago de Compostela o 10 de xullo de 1960.[1]
Vida persoal[editar | editar a fonte]
Casou con Luisa Noya Martínez e foi pai de Marcelino, Modesto, Luis, Laura, Flora, Palmiro e Florentino Pasín Noya.
Notas[editar | editar a fonte]
- ↑ El Correo Gallego, 12-7-1960, p. 8.
Véxase tamén[editar | editar a fonte]
Bibliografía[editar | editar a fonte]
- Pereira, Dionisio (2012). José Pasín Romero: Memoria do proletariado militante de Compostela. Santiago de Compostela: Fundación 10 de Marzo. ISBN 978-84-939921-0-1.
Ligazóns externas[editar | editar a fonte]
- José Pasín Romero en Nomes e Voces Arquivado 02 de xuño de 2014 en Wayback Machine.
- El padre de la quinta ciudad Artigo en El País
- Cartas de republicanos galegos condenados a morte (1936-1948)Arquivado 22 de xuño de 2012 en Wayback Machine.
