José María Arellano Igea

José María Arellano Igea
Biografía
Nacemento	15 de maio de 1885 ; Corella, España
Morte	26 de maio de 1963 (78 anos); Madrid, España
Gobernador civil da provincia da Coruña
	xuño de 1937 – febreiro de 1938
Gobernador civil de Biscaia
	3 de outubro de 1936 – 13 de xuño de 1937
Civil governor of Gipuzkoa (en)
	3 de outubro de 1936 – 13 de xuño de 1937
Q42308661
	febreiro de 1931 – 14 de abril de 1931
Datos persoais
País de nacionalidade	España
Educación	Universidade de Salamanca - dereito ; Universidade de Oviedo - dereito
Actividade
Ocupación	político , xurista
Lingua	Lingua castelá

José María Arellano Igea, nado en Corella (Navarra) o 15 de maio de 1885 e finado en Madrid o 26 de maio de 1963, foi un avogado e político español.

Traxectoria[editar | editar a fonte]

Estudou Dereito en Oviedo e Salamanca. Traballou de pasante con Juan de la Cierva en Madrid. Marchou a Bilbao, onde foi profesor no Colegio de San Antonio (1910-1913), e director do semanario Luz y Taquígrafos. A finais de febreiro de 1931 foi nomeado Gobernador civil de Huelva^[1], cesando ao proclamarse a Segunda República.

Antirrepublicano, defendeu ante os tribunais a Xunta Política de Falange. Coa sublevación do 18 de xullo de 1936, o 3 de outubro foi nomeado Gobernador civil xeral de Guipúscoa e Biscaia, permanecendo no cargo ata o 13 de xuño de 1937. Fiscalizou toda a depuración política e a reentronización da Igrexa católica. Pasou a ser gobernador civil da Coruña. Permaneceu no posto até febreiro de 1938, cando foi nomeado Director Xeral de Rexistros e do Notariado en Madrid e tamén foi Letrado xefe do Corpo técnico da Subsecretaría do Ministerio de Xustiza. En febreiro de 1949 foi concelleiro de Corella e deputado foral por Tudela. En 1957 regresou a Madrid definitivamente.

Obras[editar | editar a fonte]

Legislación del Registro Civil, 1939.
Fundamentos legales para una demanda, 1946.
Las obligaciones, los contratos y la prescripción en el Derecho navarro, 1946.