Xosé Luís Rodríguez Pardo

Para outras páxinas con títulos homónimos véxase: José Luis Rodríguez (homónimos).

Xosé Luís Rodríguez Pardo

Nome orixinal	(es) José Luis Rodríguez Pardo
Biografía
Nacemento	13 de decembro de 1936 A Coruña, España
Morte	12 de xuño de 2018 (81 anos) A Coruña, España
Deputado no Congreso dos Deputados
15 de marzo de 1979 – 31 de agosto de 1982 Lexislatura: I lexislatura de España Circunscrición electoral: Circunscrición electoral da Coruña Electo en: Eleccións Xerais 1979 en España
Senador de España
Datos persoais
País de nacionalidade	España
Actividade
Lugar de traballo	Madrid
Ocupación	avogado , político
Partido político	Partido Socialista Obrero Español
Membro de	Partido dos Socialistas de Galicia
Lingua	Lingua castelá

Xosé Luís Rodríguez Pardo, nado na Coruña o 13 de decembro de 1936 e finado na mesma cidade o 12 de xuño de 2018, foi un avogado e político galego.

Traxectoria

Participou no Consello da Mocedade e na fundación do Partido Socialista Galego en 1963 e no Consello de Forzas Políticas Galegas. Foi fundador da Agrupación Cultural O Galo de Santiago (1961) e da Agrupación Cultural O Facho da Coruña (1963). Formou parte das primeiras directivas de ADEGA.

Partidario de achegarse ao PSOE formou parte con Ceferino Díaz e Fernando González Laxe do Colectivo Socialista-PSG, constituído o 2 de abril de 1978. Plasmaron o seu proxecto no manifesto coñecido como Documento dos 19, foron expulsados do PSG e integráronse no PSdeG-PSOE.

Participou na elaboración do Estatuto dos dezaseis, e nas Cortes Xerais no texto material do Estatuto de Autonomía de Galicia. Foi deputado pola provincia da Coruña na I lexislatura (1979-1982) e senador na II e III lexislatura (1982-1989).

Colaborou en distintos medios de prensa, como no desaparecido Xornal.com

Véxase tamén

Outros artigos

• Lista de senadores galegos desde a Transición

Ligazóns externas

• Ficha no Congreso dos Deputados
• Ficha no Senado
• Biografía en galegos.info