José Bullejos

Na Galipedia, a Wikipedia en galego.
José Bullejos
Datos persoais
Nacemento7 de decembro de 1899
 Chauchina
Falecemento25 de marzo de 1974
 Cidade de México
OrganizaciónPartido Comunista de España, Partido Socialista Obreiro Español
editar datos en Wikidata ]

José Bullejos Sánchez, nado en Romilla (Chauchina, provincia de Granada) o 7 de decembro de 1899 e finado en México en maio de 1975, foi un político español.

Traxectoria[editar | editar a fonte]

Membro fundador do PCE, o cal dirixiu dende 1925 até a súa expulsión no 1932. Foi fundador do histórico xornal Mundo Obreiro. Nos anos previos á República e trala proclamación da mesma, vivíronse en España momentos de moita tensión revolucionaria. As forzas obreiras atopábanse divididas entre os anarquistas da CNT e os comunistas do PCE. Porén, eran os primeiros quen tiñan a maior influencia entre as clases traballadoras de España. Isto foi visto dende a Internacional Comunista, quen acababa de lanzar as políticas do Frente Popular, tralo auxe dos Fascismos (goberno de Mussolini en Italia) e o apabullante ascenso do nazismo nas eleccións de 1929 en Alemaña). José Bullejos opúxose primeiramente a esta política o que lle valeu a súa expulsión, sendo substituído por José Díaz e afiliándose el ao PSOE

Trala Guerra Civil exiliouse en México, onde se dedicou a escribir.

Predecesor:
Antonio García Quejido

Secretario Xeral do PCE

1925 - 1932
Sucesor:
José Díaz Ramos

Obras[editar | editar a fonte]

  • Europa entre dúas guerras (Ed. Castilla, México 1944).
  • España na segunda República (Ed. Impresiones Modernas, México 1967).
  • A Comintern en España: lembranzas da miña vida (Ed. Impresiones Modernas, México 1972).