José Antonio Martín Pallín

José Antonio Martín Pallín
	;
Biografía
Nacemento	13 de xuño de 1936 (87 anos); A Coruña, España
Fiscal
Maxistrado do Tribunal Supremo de España
Datos persoais
País de nacionalidade	España
Educación	Universidade de Valladolid ; Universidade de Deusto
Actividade
Ocupación	maxistrado (1989–2006), fiscal (–1989)
Empregador	Tribunal Supremo de España
Membro de	Q5779455
Lingua	Lingua castelá
Participou en
25 de febreiro de 2020	Manifesto por unha política migratoria e de asilo propia dunha sociedade democrática avanzada

José Antonio Martín Pallín, nado na Coruña en 1936, é un xurista galego que foi fiscal do Tribunal Supremo.^[1]

Traxectoria[editar | editar a fonte]

Licenciouse en Dereito polas universidades de Deusto e de Valladolid. Entrou na carreira fiscal en 1965, e exerceu o seu labor como fiscal en distintas audiencias ata que en 1986 foi nomeado fiscal do Tribunal Supremo. Tres anos máis tarde, en 1989 nomeárono maxistrado da sala segunda, do penal e na actualidade é maxistrado emérito desa institución.

Academicamente foi profesor de Dereito Penal e Procesual nas universidades de La Laguna e na Autónoma de Madrid. Tamén foi profesor de dereito civil na Universidade Complutense de Madrid, na Universidade San Pablo CEU e na Autónoma de Madrid.

Ostenta distintos cargos e posicións de honra. Así, é membro da Comisión Internacional de Xuristas (IJC), do Comité de Bioética de España, do Instituto de Estudios Canarios, do Secretariado Internacional de Xuristas pola Amnistía e a Democracia en Paraguai, da Asociación Hispano-Alemá de Xuristas ou da Asociación pro Derechos Humanos de España. Ten participado en diversas misións internacionais en países de Suramérica organizadas por Amnistía Internacional.

Así mesmo foi presidente da Unión Progresista de Fiscais e voceiro de Xuíces para a Democracia.