Jordi Sevilla
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2019.) |
Jordi Sevilla | |
---|---|
Datos persoais | |
Nacemento | 19 de marzo de 1956 |
Valencia | |
Organización | Partido Socialista Obrero Español |
Alma máter | Universidade de Valencia |
Profesión | Economista |
Na rede | |
[ editar datos en Wikidata ] |
Jordi Sevilla Segura, nado en València o 19 de marzo de 1956, é un político español membro do PSOE e economista, foi Ministro de Administracións Públicas do Goberno de España (2004-2007).
Licenciado en Ciencias Económicas pola Universidade de Valencia, é funcionario por oposición, pertence ao Corpo Superior de Técnicos Comerciais e Economistas do Estado. Ademais está casado e ten tres fillos.
Escribiu varios artigos especializados e tres libros:
- Balance y perspectivas de las relaciones Norte-Sur (1993)
- La economía española ante la moneda única (1997)
- De nuevo socialismo (2002)
Publicou dúas novelas negras: La joven de la foto (2009) e El valle de los olivos (2011), as dúas protagonizadas polo detective Ricki Trullos.
Carreira política[editar | editar a fonte]
Entre 1985 e 1991 foi asesor de Relacións Económicas Internacionais do gabinete da Presidencia do Goberno.
De 1991 a 1993 foi Xefe do gabinete do Ministro de Agricultura. De 1993 a 2000 Director do gabinete do Ministro de Economía e Facenda.
Entre 1998 e 2000 foi asesor do Grupo Parlamentario Socialista no Congreso.
Desde marzo de 2000 é deputado no Congreso pola provincia de Castelló e desde xullo de 2000 Secretario de Política Económica e Ocupación da Comisión Executiva Federal do PSOE.
O 18 de abril de 2004, coa vitoria do partido socialista nas eleccións xerais, foi nomeado Ministro de Administracións Públicas.
O 6 de xullo de 2007 foi relevado do cargo de Ministro de Administracións Públicas, sendo substituído pola anterior titular do Ministerio de Sanidade, Elena Salgado.
Predecesor: Julia García-Valdecasas |
Ministro de Administracións Públicas de España 2004 - 2007 |
Sucesor: Elena Salgado |