John Trudell

John Trudell
	;
Biografía
Nacemento	15 de febreiro de 1946 ; Omaha, Estados Unidos de América
Morte	8 de decembro de 2015 (69 anos); Santa Clara, Estados Unidos de América
Causa da morte	Morte natural (Cancro )
Datos persoais
País de nacionalidade	Estados Unidos de América
Educación	San Bernardino Valley College (en)
Actividade
Ocupación	actor , músico , poeta , activista social , cantautor , actor de cinema
Partido político	American Indian Movement
Xénero artístico	Blues
Lingua	Lingua inglesa
Familia
Cónxuxe	Tina Manning (en)
Parella	Marcheline Bertrand (–2007)
Páxina web	johntrudell.com

John Trudell, nado o 15 de febreiro de 1946 en Omaha (Nebrasca) e finado en Santa Clara (California) o 8 de decembro de 2015, foi un actor, poeta e activista nativo americano. Durante os anos 1970, foi o presidente do American Indian Movement, con base en Minneapolis, Minnesota. Logo da tráxica morte da súa familia, Trudell comezou a escribir e actuar. Actuou en tres filmes nos anos 1990. O documental Trudell (2005) trata da súa vida como activista e artista.

Infancia[editar | editar a fonte]

Trudell naceu en Omaha, Nebrasca sendo fillo de pai Santee Sioux e de nai mexicana. Medrou nunha pequena vila da Reserva Santee Sioux no norte de Nebrasca. Foi educado en colexios locais e tamén na cultura Santee Sioux.

Servizo militar[editar | editar a fonte]

En 1963, con 17 anos de idade, Trudell abandonou o instituto para unirse ó Armada dos Estados Unidos de América. Serviu durante os primeiros anos da Guerra de Vietnam e estivo no exército ata 1967.

Despois diso, estivo dous anos ensinando radio e locución nun colexio de San Bernardino (California). Decidiu traballar no activismo político.

Matrimonio e familia[editar | editar a fonte]

En 1968, Trudell casou coa súa primeira muller, Fenicia "Lou" Ordonez. En 1972, Trudell casou con Tina Manning, unha activista da tribo shoshone. Tiveron tres fillos xuntos: Ricarda Star, Sunshine Karma e Eli Changing Sun. En febreiro de 1979, Tina (que estaba embarazada), os nenos e a súa nai Leah Hicks-Manning morreron nun incendio na casa dos seus pais na Reserva Duck Valley. O seu pai Arthur sobreviviu. Trudell estaba fóra da vila ese día.