Johann Christoph Bach

Johann Christoph Bach
	;
Biografía
Nacemento	6 de decembro de 1642 ; Arnstadt
Morte	31 de marzo de 1703 (60 anos); Eisenach
Datos persoais
País de nacionalidade	Schwarzburg-Sondershausen (en)
Actividade
Ocupación	compositor , organista
Xénero artístico	Música clásica
Movemento	Música barroca
Profesores	Johann Pachelbel
Lingua	Lingua alemá
Instrumento	Órgano e Órgano
Familia
Familia	Familia Bach
Fillos	Johann Nicolaus Bach (pt) , Johann Friedrich Bach, Johann Michael Bach (en)
Pais	Heinrich Bach e Eva Hoffmann (en)
Irmáns	Johann Michael Bach

Para outras páxinas con títulos homónimos véxase: Bach (homónimos).

Johann Christoph Bach, nado en Arnstadt o 6 de decembro de 1642 e finado en Eisenach o 31 de marzo de 1703, foi un compositor alemán do Barroco. Non debe ser confundido co fillo de Johann Sebastian Bach, Johann Christoph Friedrich Bach.

Traxectoria[editar | editar a fonte]

Johann Christoph Bach naceu en Arnstadt (daquela no Sacro Imperio Romano-Xermánico e actualmente no estado de Turinxia, Alemaña), fillo de Heinrich Bach, tío avó de Johann Sebastian Bach, polo que era o primo irmán de Johann Sebastian. Foi tamén o tío de Maria Barbara Bach, a primeira muller de J.S. Bach.

Johann Christoph tiña unha reputación como compositor que só foi igualada por Johann Sebastian entre a familia Bach durante a súa vida. A partir de 1665 compaxinou o cargo de organista na Georgenkirche co de cembalista da orquestra de cámara da corte de Eisenach. Seu irmán, Johann Michael Bach (sogro de Johann Sebastian Bach e pai de Maria Barbara), foi tamén compositor. Estivo en contacto con Johann Ambrosius Bach, e deulle clasese ao seu fillo Johann Sebastian. Algunhas das súas obras foron posteriormente atribuídas a Johann Sebastian, mais recentemente foron recoñecidas como obras escritas por Johann Christoph. Catro dos seus fillos foron tamén músicos:

Foi un compositor de gran capacidade, mais a pesar do seu éxito como músico, Johann Christoph atravesou dificultades financeiras, que puideron ter dado lugar á súa non selección como titor de Johann Sebastian cando morreron os seus pais. Posiblemente non recibiu a apreciación que merecía polo seu carácter difícil e testalán co Consello de Eisenach. Johann Christoph tiña moitas débedas cando morreu en Eisenach.

Obra[editar | editar a fonte]

Johann Ambrosius Bach tiña as obras de Johann Christoph en grande estima, a quen consideraba "o compositor máis grande e expresivo da familia". Unha das composicións máis famosas de Johann Christoph é a cantata Meine Freundin, du bist schön, baseada no Cantar dos Cantares, mais poucas obras súas sobreviviron, a maioría no Altbachisches Archiv:

Doce Motetes.
Sete ou oito Geistliche Konzerte, incluídos os grandes conxuntos "Es erhub sich ein Streit im Himmel".
Dúas Arias.
Dous lamentos.
Dúas cantatas.
Uns cincuenta Orgelchoräle.
Präludium und Fuge en mi bemol para clave.
Tres obras de variacións para clave.

Véxase tamén[editar | editar a fonte]

Outros artigos[editar | editar a fonte]

Familia Bach

Bibliografía[editar | editar a fonte]

von Liliencron, Rochus (1875). "Bach, Johann Christoph.". En Duncker & Humblot. Allgemeine Deutsche Biographie (ADB) (en alemán) 1. Leipzig.
Gurlitt, Wilibald (1953). "Bach, Johann Christoph". En Duncker & Humblot. Neue Deutsche Biographie (NDB) (en alemán) 1. Berlín. ISBN 3-428-00182-6.
Wolter, Stefan (2003). Bedenket das Armuth. Das Armenwesen der Stadt Eisenach im ausgehenden 17. und im 18. Jahrhundert, (en alemán) (Gotinga).
Editorial Rombo, ed. (1996). Diccionario Enciclopédico de la Música "Música Maestro". ISBN 84-8257-032-3.
Editorial Salvat, ed. (1986). Musicalia, Enciclopedia y Guía de la Música Clásica. ISBN 84-7137-872-8.
Librairie Larousse, ed. (1957). Larousse de la musique.

Ligazóns externas[editar | editar a fonte]

Partituras gratuítas de Bach Johann Christoph Bach na Choral Public Domain Library (ChoralWiki)
Información de Johann Christoph Bach (en inglés)
Discografía de obras da familia Bach con comentarios (en alemán)