João Gonçalves Zarco

Na Galipedia, a Wikipedia en galego.
Monumento e estatua de João Gonçalves Zarco no centro do Funchal.

João Gonçalves Zarco, nado en Tomar ou Leça da Palmeira en 1394 e finado en Funchal o 21 de novembro de 1471[1], foi un navegante, explorador e fidalgo portugués da Casa do Infante D. Henrique.

Traxectoria[editar | editar a fonte]

Comandante de carabelas, descubriu a illa de Porto Santo en 1418 xunto con Tristão Vaz Teixeira e despois a illa de Madeira con Bartolomeu Perestrelo en 1419. Foi o primeiro Capitán Donatário do Funchal ata a súa morte. En 1437 participa na tentativa fallada de conquistar Tánxer, onde foi armado cabaleiro. A 4 de xullo de 1460, por concesión de D. Afonso V, Zarco pasou a ostentar o apelido Cámara, derivado de Câmara de Lobos, designación atribuída polo navegador a un lugar da Illa de Madeira onde descubriu gran cantidade destes animais.

Notas[editar | editar a fonte]

  1. Tombo 1º do registo geral da Câmara Municipal do Funchal