Jesús Vázquez Martínez
| Biografía | |
|---|---|
| Nacemento | 9 de setembro de 1965  (58 anos)Ferrol, España |
| Datos persoais | |
| País de nacionalidade | España |
| Actividade | |
| Ocupación | presentador , presentador de televisión , modelo , xornalista |
| Período de actividade | 1990 - |
| Empregador | Mediaset España |
| Lingua | Lingua castelá |
| Familia | |
| Cónxuxe | Roberto Cortés (desde 2005) |
    | |
Jesús Vázquez Martínez, nado en Ferrol o 9 de setembro[1] de 1965, é un modelo e presentador de televisión galego.
Traxectoria[editar | editar a fonte]
Naceu en Ferrol, sendo neto do futbolista internacional Juan Vázquez Tenreiro, xogador do Racing de Ferrol, Deportivo da Coruña, Atlético de Madrid e Celta de Vigo.[2]
Profesional popular e recoñecido no ámbito nacional, o seu rostro comezou a ser familiar á raíz de ser o condutor nos 90 de espazos televisivos como La quinta marcha ou Hablando se entiende la basca, os dous en Telecinco. En 1993 probou sorte sen demasiado éxito no mundo da música, chegando a gravar un único disco que levou por título A dos milímetros escasos de tu boca e co que, a pesar de todo, logrou un disco de ouro.
Tras unha longa temporada afastado da televisión estatal coincidindo co caso Arny, do que foi absolto, (e durante a cal conduciu os programas A propósito e Gente con chispa en Canal Sur e Esta es mi gente en Telemadrid) volveu a Telecinco en 2001 como presentador do concurso Popstars. Desde entón, a súa carreira segue ligada a esa canle, onde leva presentado Hotel Glam, os debates de Gran Hermano, Nadie es perfecto, Vivo cantando, Operación Triunfo, Supervivientes ou ¡Alla tú!
Tamén realizou algúns traballos como actor: a película Aquí, el que no corre... vuela (1992), de Tito Fernández, a obra teatral La importancia de llamarse Ernesto (1996) e colaboracións en series televisivas coma Manos a la obra, en Antena 3. Nos últimos tempos deixou aparcada a súa carreira interpretativa, aínda que fixo pequenas colaboracións en Siete Vidas e Yo soy Bea.
En 2005 e 2006 recibiu os Premios TP de Ouro ó mellor presentador, ao que xa estivera nomeado en 1992. Nesta mesma categoría estivo nomeado ós Premios da ATV tamén en 2005 e 2006.
En 2010 foi a primeira personaxe masculina en aparecer espido na portada da revista Interviú, na semana do Día do Orgullo Gai. As ganancias da reportaxe fotográficas serán destinadas á ONG ACNUR para construír unha escola en Kenya[3].
Televisión[editar | editar a fonte]
- La quinta marcha (1990-1991) en Telecinco.
- Hablando se entiende la basca (1991-1993) en Telecinco.
- Desde Palma, queridos padres (1992) en Telecinco.
- La ruleta de la fortuna (1993-1994) en Telecinco.
- Manos a la obra (1998) en Antena 3.
- A propósito (1998) en Canal Sur.
- Gente con chispa (1999-2000) en Canal Sur, Telemadrid e Canal 9.
- La central (2000) en Antena 3.
- ¿De qué hablan las mujeres? (2000) en Antena 3.
- Ésta es mi gente (2001-2002) en Telemadrid.
- Popstars (2002) en Telecinco.
- Gran Hermano - El Debate (2002-2003) en Telecinco.
- Nadie es perfecto (2003) en Telecinco.
- Hotel Glamour (2003) en Telecinco.
- Vivo cantando (2003) en Telecinco.
- Gran Hermano VIP: El desafío (2004-2005) en Telecinco.
- ¡Allá tú! (2004-2008) en Telecinco.
- Operación Triunfo (2005-2009) en Telecinco.
- Supervivientes (2006-2010) en Telecinco.
- Nadie es perfecto (2007) en Telecinco.
- Guerra de sesos (2009) en Telecinco.
- Mi familia contra todos (2009) en Telecinco.
- I love Escassi (2010) en Telecinco.
- La guillotina (2010) en Telecinco.
- ¡Allá tú! (2011) en Cuatro.
- Pekín Express (2011) en Cuatro.
- Uno para ganar (2011-2012) en Cuatro.
- La Voz (2012 - actualidade) en Telecinco.
Notas[editar | editar a fonte]
- ↑ "Copia arquivada". Arquivado dende o orixinal o 06 de decembro de 2008. Consultado o 09 de decembro de 2008.
- ↑ "El abuelo del presentador Jesús Vázquez fue extremo en el Atlético de Madrid". Mundo Deportivo (en castelán). 20 de outubro de 2018. Consultado o 9 de novembro de 2021.
- ↑ "Me estoy despidiendo de este cuerpo" Arquivado 30 de xuño de 2010 en Wayback Machine., entrevista de Mamen Mendizábal en Interviú, 25 de xuño de 2010 (en castelán).
