Jesús Orgeira Muíño
| Biografía | |
|---|---|
| Nacemento | 1943  |
| Morte | 20 de xaneiro de 2011 (67/68 anos) |
| Alcalde | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido Socialista Obrero Español |
| Membro de | |
| Lingua | Lingua castelá |
Jesús Orgeira Muíño, nado en 1943 e finado o 20 de xaneiro de 2011[1], foi un político galego do PSdeG-PSOE.
Traxectoria[editar | editar a fonte]
Nas eleccións municipais de 1983 formou parte da candidatura do PSdeG-PSOE en Cerceda, encabezada por Fernando Martínez González, e foi elixido concelleiro. Mantívose na oposición ata que en decembro de 1985 foi elixido alcalde logo da dimisión do aliancista Manuel Barreiro Espasandín, tras lograr o apoio dos concelleiros electos nas listas do PGI (nese momento integrados en Coalición Galega) e outro concelleiro independente integrado nas filas socialistas. Nas eleccións municipais de 1987 encabezou a candidatura PSdeG-PSOE á alcaldía de Cerceda e foi reelixido alcalde con maioría absoluta. Nas municipais de 1991 volveu ser elixido alcalde, tamén con maioría absoluta. En xuño de 1992 seis dos concelleiros do PSdeG-PSOE e un do PPdeG presentaron unha moción de censura contra el por favorecer supostamente a unha empresa da súa propiedade e foi substituído na alcaldía polo seu ata entón compañeiro Fernando Martínez González. A finais de 1994 resultou inhabilitado xunto con Martínez González. En 1995 fundou o PINCE, o cal encabezou seu fillo e logrou 1 concelleiro. En 1999 concorreu xa como candidato do PINCE e logrou 1 concelleiro, ó igual que no 2003 á fronte do CDI. En 2004 foi condenado xunto con Fernando Martínez González por un delito de falsidade electoral cometido en 1986. En 2007 retirouse definitivamente da política e apoiou a candidatura do alcalde socialista José García Liñares.
| Predecesor: Manuel Barreiro Espasandín |
.svg){kind=small} Alcalde de Cerceda 1985 - 1992 |
Sucesor: Fernando Martínez González |