Jesús María de Leizaola

Na Galipedia, a Wikipedia en galego.

Jesús María de Leizaola Sánchez, nado en Donostia o 7 de setembro de 1896 e finado o 16 de marzo de 1989, foi un político vasco, lehendakari do Goberno Vasco no exilio entre 1960 e 1979.

Traxectoria[editar | editar a fonte]

Iniciou a súa andadura política como deputado do PNV no Congreso dos Deputados durante a Segunda República. Trala Guerra Civil foi membro do goberno do lehendakari José Antonio Aguirre como Conselleiro de Xustiza e Cultura. Foi nomeado Lehendakari en 1960, logo do pasamento de Aguirre.

O Lehendakari Leizaola desenvolveu a súa labor no exilio, fixando a súa residencia en París, dende onde se dedicou a denunciar a ditadura. En 1979, logo de 43 anos de exilio, volveu ao País Vasco, que nese momento iniciaba a recuperación da democracia e o autogoberno. Compaxinou a súa labor política con inquetudes literarias e intelectuais. Foi autor de literatura vasca e de estudos de poesía.


Predecesor:
José Antonio Aguirre
Escudo del Pais Vasco.svg
Lehendakari

1960 - 1979
Sucesor:
Carlos Garaikoetxea