Jazafat Bulhak
.jpg)  | |
| Biografía | |
|---|---|
| Nacemento | 20 de abril de 1758 Voivodato de Brest, Gran Ducado de Lituania |
| Morte | 23 de febreiro de 1838 (79 anos) San Petersburgo, Rusia |
| Lugar de sepultura | Coastal Monastery of St. Sergius (en)  |
| Arcebispo católico | |
| 14 de abril de 1833 – ← Yakiv Martushevych | |
| Bispo diocesano | |
| 1828 – Diocese: Žyrovyci (Ukrainian) (en) | |
| Arcebispo católico | |
| 22 de setembro de 1818 – ← Ryhor Kachanovič | |
| Bispo diocesano | |
| 1818 – ← Ryhor Kachanovič Diocese: Vilno (Ukrainian) (en) | |
| Bispo diocesano | |
| 12 de outubro de 1798 – Diocese: Brėst (Ukrainian) (en) | |
| Bispo diocesano | |
| 1 de setembro de 1793 – 1795 ← Joachim Horbacki (en) Diocese: Pińsk-Turaŭ (Ukrainian) (en) | |
| Metropolitano de Kíiv | |
| Archbishop of Polotsk (en) | |
| Q6529137 | |
| | |
| Datos persoais | |
| País de nacionalidade | Gran Ducado de Lituania |
| Relixión | Igrexa católica e Metrópole de Kíiv, Galicia e toda Rusia |
| Actividade | |
| Ocupación | bispo católico (1790–), sacerdote católico (1785–) |
| Consagración | Teodosii Rostocki |
| Familia | |
| Familia | House of Bułhak (en) |
Premios | |
 | |
Jazafat Bulhak (en belaruso: Язафат Булгак; en ucraíno: Йосафат Булгак, tr."Yosafat Bulhak"; en polaco: Jozafat Bułhak), nado como Ihnaci (en belaruso: Ігнаці) o 20 de marzo de 1758 en Belarús, e finado o 25 de febreiro de 1838 en San Petersburgo, foi un eclesiástico grecocatólico belaruso, metropolita de Kíiv, Galicia e toda a Rus dende 1818 até o seu pasamento.
Traxectoria[editar | editar a fonte]
Ihnaci Bulhak naceu o 20 de marzo de 1758 no condado de Slonim, no Gran Ducado de Lituania (hoxe distrito de Slonim, rexión de Hrodna, Belarús), nunha familia nobre.[1] Entrou nos basilianos, e a partir de 1783 estudou en Roma, doutorándose en Teoloxía e Dereito canónico en 1785.[1][2]
O 27 de marzo de 1785 foi ordenado sacerdote da Orde de San Basilio Magno.[1][2] Á súa volta, foi predicador no mosteiro basiliano de Vilnius.[2] En 1786 o bispo Joachim Horbacki solicitou que fose nomeado coadxutor con dereito de sucesión.[2] O 24 de abril de 1787 foi nomeado bispo coadxutor de Pinsk e Turaŭ.[1] Recibiu a consagración episcopal o 26 de setembro de 1790 en Varsovia, de mans do metropolita de Kíiv Teodosii Rostotskyi.[2] O 12 de outubro de 1798 foi nomeado bispo de Volodymyr e Brest.[1]
O 22 de setembro de 1818 foi nomeado metropolita de Kíiv, dirixindo a Igrexa grecocatólica nos territorios baixo dominio ruso.[1] En 1827 Iosif Semashko preparou un memorial con propostas para integrar de xeito gradual aos greco-católicos na Igrexa ortodoxa, e ditas medidas foron aprobadas polo emperador Nicolao I.[1] En 1833, logo do pasamento de Yakiv Martushevych, o 17 de abril Bulhak foi nomeado arcebispo de Polack e Viciebsk.[1]
O 25 de maio de 1835 foi estabelecido o Comité Segredo para os Asuntos Uniatas polo ministro de interior Dmitrii Bludov, composto por políticos, bispos ortodoxos, e os propios Bulhak e Semashko, aínda que o primeiro non tivo participación nel.[1] O Comité aprobou medidas adicionais para a integración forzosa dos greco-católicos na Igrexa ortodoxa, como o ensino do catecismo ortodoxo nos seminarios greco-católicos e a subordinación dos seminarios á Comisión de Escolas Teolóxicas do Sínodo da Igrexa ortodoxa rusa.[1]
Finou o 23 de febreiro de 1838 en San Petersburgo.[1] O 3 de marzo de 1838 Semashko asumiu o goberno dos greco-católicos, que foron finalmente integrados na ortodoxia no sínodo de Polack de 1839.
Notas[editar | editar a fonte]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Петрушко, В. И. (2002). "БУЛГАК, Игнатий [в монашестве Иосафат]". Православная энциклопедия 6. Moscova: Церковно-научный центр «Православная энциклопедия». pp. 336–337. ISBN 9785895720103.
- ↑ 2,0 2,1 2,2 2,3 2,4 Falkowski, Czesław (1937). "Bułhak Ignacy Jozafat". Polski Słownik Biograficzny 3. Cracovia. pp. 127–129.
Véxase tamén[editar | editar a fonte]
Ligazóns externas[editar | editar a fonte]
| Dignidades da Igrexa católica | ||
|---|---|---|
| Predecesor: Hryhorii Kokhanovych |
Metropolita de Kíiv, Galicia e toda a Rus 1818 - 1838 |
Sucesor: Liubomyr Huzar (1995, exarca arquiepiscopal) |
| Predecesor: Yakiv Martushevych |
Arcebispo de Polatsk e Viciebsk 1833 - 1838 |
Sucesor: (supresión da sé) |
