James Walter Christy

Na Galipedia, a Wikipedia en galego.
James Walter Christy
Nacemento15 de setembro de 1938
Lugar de nacementoRichmond
NacionalidadeEstados Unidos de América
Alma máterUniversidade do Arizona
Ocupaciónastrónomo
editar datos en Wikidata ]
James Christy (a esquerda) e Robert Harrington (a dereita) no ano 1978.
Imaxe onde se atopou Caronte, é a zona irregular que sobresae na parte superior da imaxe esquerda.

James Walter Christy, nado en 1938, é un astrónomo estadounidense. É mundialmente coñecido por descubrir a primeira lúa de Plutón, co nome de Caronte, no ano 1978.

Descubrimento de Caronte[editar | editar a fonte]

O 22 de xuño de 1978, mentres traballaba no Observatorio Naval dos Estados Unidos (USNO) revisando en Washington chapas fotográficas obtidas polo reflector astrométrico Kaj Strand de 1,55 metros (61 polgadas) da Estación Flagstaff da USNO (en Arizona), descubriu que Plutón tiña unha lúa, á que chamou Caronte [1]. O descubrimento foi resultado do atento exame dunha ampliación dunha chapa fotográfica de Plutón ao entender que había unha protuberancia moi lixeira dun lado. Esta chapa xunto con outras foran cualificadas coma "pobres" porque a imaxe alongada de Plutón considerábase un defecto resultante do mal aliñamento do telescopio do Observatorio Naval dos Estados Unidos en Flagstaff. Christy decatouse que só Plutón estaba alongado, mentres que as estrelas de fondo non o estaban, o cal descartaba o presunto erro de aliñamento. Como o seu traballo anterior no Observatorio Naval fora na fotografía de estrelas dobres, entón custionouse que esta protuberancia podía ser unha lúa compañeira de Plutón. Púxose a examinar imaxes dos arquivos do observatorio dende 1965, concluíndo que se trataba de feito dunha lúa. As chapas de 1965 incluían xa daquela unha nota que dicía "imaxe de Plutón alongada", pero os astrónomos do observatorio, incluíndo Christy, asumiron que en realidade eran erros de aliñamento ata 1978.

O descubrimento confirmouse oficialmente despois de calcular a órbita de Caronte, e as posíbeis eclipses mutuas entre Plutón e Caronte, no intre en que foron observadas as eclipses; e fíxose público formalmente o 7 de xullo de 1978, á comunidade astronómica, na Circular 3241 da IAU[2].

Os actuais telescopios, coma o Telescopio espacial Hubble ou os telescopios terrestres con óptica adaptativa, resolven con facilidade o sistema duplo Plutón-Caronte.

Notas[editar | editar a fonte]

  1. "Copia arquivada". Arquivado dende o orixinal o 02 de maio de 2013. Consultado o 01 de xaneiro de 2012. 
  2. http://www.cbat.eps.harvard.edu/iauc/03200/03241.html

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]