James Galway
| JAMES GALWAY | |
|---|---|
 James Galway e a súa dona, Jeanne Galway |
|
| Nome completo | James Galway |
| Alias | |
| Naceu | 8 de decembro de 1939 |
| Orixe | Belfast, Irlanda do Norte  |
| Morreu | |
| Ocupación (s) | frautista |
| Xénero | |
| Instrumento(s) | frauta traveseira |
| Tipo de voz | |
| Selo(s) discográfico (s) | |
| Relacionado con | |
| Tempo en activo | |
| Web | Site oficial |
Sir James Galway, (Irlanda do Norte, 8 de decembro de 1939), coñecido coma o home da frauta dourada, é un dos maiores virtuosos dese instrumento. Naceu en Belfast.
Seguindo os pasos de Jean-Pierre Rampal, convertiuse nun dos primeiros frautistas que recorreron a súa carreira musical como solista. A Raíña Isabel II nomeouno sir en xuño de 2001.
Índice |
Educación [editar]
James Galway estudou no Royal College of Music con John Francis e logo na Guildhall School of Music con Geoffrey Gilbert. Logo estudou no Conservatorio de París con Gaston Crunelle e Jean-Pierre Rampal e tamén recibiu clases particulares con Marcel Moyse.
Biografía [editar]
Logo do seu período de estudo, traballou 15 anos en orquestras. Galway tocou na Philharmonia Orchestra nos anos cincuenta.
Logo desto tocou coa Sadler's Wells Opera, Covent Garden Opera, a London Symphony Orchestra e a Royal Philharmonic Orchestra.
Pertenceu á Orquestra Filharmónica de Berlín, onde tocou como frauta primeira entre 1969 e 1979. Para sorpresa de Herbert von Karajan, e tras un período de desencontros, “Jimmy” Galway decidiu iniciar unha carreira en solitario que finalmente foi dun enorme éxito. Ainda hoxe adícase regularmente á interpretación, e é un dos frautistas máis recoñecidos internacionalmente. Compositores coma o español Joaquín Rodrigo ou o inglés Malcolm Arnold, por quen ten mostrado a súa admiración en repetidas ocasións, adicáronlle algunhas das súas obras.
Ademais de concertos de repertorio clásico, tamén toca programas de músic contemporánea. O álbum "In Ireland", gravado por James Galway e The Chieftains superou o número 32 nas listas de vendas do Reino Unido.
É o frautista principal do London Mozart Players, con sede en Londres.
Hai pouco, Sir James participou na gravación da banda sonora da triloxía de O Señor dos Aneis, gañadora dun Oscar da Academia Americana de Cine.
Na actualidade reside en Meggen (Suíza) coa súa dona, a frautista estadounidense Jeanne Galway.
Curiosidades [editar]
A frauta de Galway foi manufacturada en ouro polo equipo da casa xaponesa Muramatsu.
Vendeu máis de 30 millóns de discos.
O sobriño de James, Martin Galway é un músico famoso polo seu traballo nos xogos de Commodore 64 durante os anos oitenta.
