James Donaldson

James Donaldson
Posición	Pivote
Dorsal	40 (35, 54)
Altura	2,18 m (7 ft 1 in)
Peso	125 kg (253 lb)
Nacemento	16 de agosto de 1957 (55 anos) Heacham, Inglaterra
Carreira
Tempadas	1979–1999
NBA Draft	1979 / Rolda: 4 / Elección: 7 Escollido por Seattle SuperSonics
Universidade	Washington State
Equipo(s)
Montanini Siena (1979–1980) Seattle SuperSonics (1980–1983) San Diego Clippers (1983–1984) Los Angeles Clippers (1984–1985) Dallas Mavericks (1985–1992) New York Knicks (1992) Utah Jazz (1993) Iraklis Thessaloniki (1993-1994) Philadelphia 76ers (1994) Utah Jazz (1995) Caja San Fernando (1996-1997) Snai Montecatini (1997) Breogán Universidade (1998) Olympia Larissa (1998-1999) Breogán Universidade (1999)
Estatísticas (NBA)
Puntos	8 203 (8,6 pp)
Asistencias	7 492 (7,8 pp)
Roubos	1 267 (1,3 pp)
Stats @ Basketball-Reference.com
Premios
1× All-Star Game (1988)

James Lee Donaldson III, nado o 16 de agosto de 1957 en Heacham, é un ex-xogador de baloncesto inglés, aínda que criado en California, que xogou durante catorce tempadas na NBA, xogando tamén na HEBA, a LEGA e na Liga ACB. Con 2,18 metros de estatura, xogaba na posición de pivote. Foi en 2009 candidato á alcaldía de Seattle e é xunto a Gary Payton un dos impulsores para a volta á NBA dos Seattle SuperSonics.

Traxectoria deportiva

Universidade

Xogou durante 4 tempadas cos "Cougars" da Universidade de Washington State, onde conseguiu os records aínda vixentes de máis tapóns nun partido, con 8 ante Gonzaga en 1978, e máis tapóns nunha carreira, con 178.

Profesional

Foi elixido na cuarta rolda do Draft da NBA de 1979, no posto total 73, por Seattle SuperSonics, pero vaise a xogar á liga italiana. Ao ano seguinte incorpórase á disciplina dos Sonics, cos que xoga tres tempadas, antes de ser traspasado a San Diego Clippers. Ao ano seguinte é o equipo o que se traslada de cidade, fixando a súa residencia en Os Ánxeles, e é alí onde consegue encabezar a lista de mellor porcentaxe de acerto da liga, cun 63,7%. Na tempada 1985-86 é de novo traspasado, esta vez a Dallas Mavericks, onde xogou seis tempadas, as máis produtivas da súa carreira. En 1991 é traspasado aos New York Knicks, pero é cortado tras catorce partidos. Asina entón con Utah Jazz, pero só disputa seis partidos no equipo no Salt Lake City.

Decide entón regresar a Europa, concretamente ao Iraklis Thessaloniki da liga grega. Ao ano seguinte asina con Philadelphia 76ers como axente libre, pero non chega a debutar, regresando de novo aos Jazz. Ao ano seguinte firma polo Caja San Fernando da Liga ACB, e nas súas dúas últimas tempadas como profesional, roldando xa os 40 anos de idade, xoga no Snai Montecatini italiano, o Breogán de Lugo e de novo no Iraklis BC grego. Tras catorce tempadas na NBA fixo 8,6 puntos e 7,8 rebotes por partido.

Equipos

• Montanini Siena (1979–1980)
• Seattle SuperSonics (1980–1983)
• San Diego Clippers (1983–1984)
• Los Angeles Clippers (1984–1985)
• Dallas Mavericks (1985–1992)
• New York Knicks (1992)
• Utah Jazz (1993)
• Iraklis Thessaloniki (1993-1994)
• Philadelphia 76ers (1994)
• Utah Jazz (1995)
• Caja San Fernando (1996-1997)
• Snai Montecatini (1997)
• Breogán Universidade (1998)
• Olympia Larissa (1998-1999)
• Breogán Universidade (1999)

Véxase tamén

Ligazóns externas

• Ficha en acb.com (en castelán)
• Ficha en nba.com/historical (en inglés)
• Estatísticas de Donaldson na NBA (en inglés)