Jaime Pita

Jaime Pita

Biografía
Nacemento	13 de xuño de 1944 (79 anos) Betanzos, España
Deputado do Parlamento de Galicia
Datos persoais
País de nacionalidade	España
Educación	Universidade de Santiago de Compostela Universidade de Navarra
Actividade
Ocupación	político
Partido político	Partido Popular
Membro de	Partido Popular de Galicia
Lingua	Lingua castelá

Jaime Alberto Pita Varela, nado en Betanzos o 13 de xuño de 1944, é un político galego do Partido Popular, e foi vicepresidente segundo do Parlamento de Galicia no último mandato do fraguismo.

Traxectoria

É neto de Claudino Pita Pandelo, o construtor orixinal do famoso globo de Betanzos. Estudou Técnicas Directivas nas universidades de Santiago de Compostela e de Navarra, accedendo por oposición á praza de profesor de bacharelato.

En 1983 presentouse como candidato á alcaldía de Betanzos por Alianza Popular. A pesar da derrota, obtivo o cargo de concelleiro, que revalidaría nos anos 1987, 1991 e 1995 (nas dúas últimas ocasións xa baixo as siglas do Partido Popular). Igualmente, e dende 1991, compaxinou este labor co de deputado no Parlamento de Galicia, do que fixo parte dende a III lexislatura, e no que foi voceiro do Partido Popular nas lexislaturas V e VI. De marcado conservadorismo, cómpre salientar deste período as súas rifas verbais coa oposición, especialmente con Xosé Manuel Beiras, voceiro do Bloque Nacionalista Galego.

En 1999 foi nomeado conselleiro da Presidencia e de Administracións Públicas, no terceiro goberno de Manuel Fraga, razón pola que dimitiu como concelleiro de Betanzos. Mantivo o cargo no seguinte goberno da Xunta ata o ano 2005.

Notas

Predecesor: Dositeo Rodríguez

Conselleiro da Presidencia e de Administracións Públicas  1999 - 2005

Sucesor: José Luis Méndez Romeu