Joseph Mascis

Na Galipedia, a Wikipedia en galego.
(Redirección desde «J Mascis»)
J Mascis
Mascis no ano 2009
Nome completoJoseph Mascis
Data nacemento10 de decembro de 1965 (58 anos)
Nado enAmherst, Massachusetts
Ocupaciónguitarrista, cantante, cantautor, actor, actor de cinema, actor de televisión e produtor de cinema
Instrumento(s)guitarra, voz
Relacionado conDinosaur Jr., J Mascis and the Fog, Witch, Deep Wound, Upsidedown Cross
Na rede
http://www.jmascis.com/
IMDB: nm0556208 Allmovie: p101580
Facebook: JMascisOfficial Twitter: jmascis MySpace: jmascis Youtube: UCNHL4feEEfVFpUaSYpLHlkw Spotify: 1PokjXeIq2zVosXbTEaNlx Last fm: J+Mascis Musicbrainz: 82315599-2215-4c3e-a36f-87be58d06ec0 Songkick: 226924 Discogs: 97679 Allmusic: mn0000086774 Genius: J-mascis Editar o valor em Wikidata
editar datos en Wikidata ]

J Mascis, nado o 10 de decembro de 1965 en Amherst, Massachusetts, é un músico estadounidense. É coñecido sobre todo por ser o cantante, guitarrista e compositor de Dinosaur Jr., a pesar de traballar ocasionalmente como produtor ou como compositor de música de películas.

Traxectoria[editar | editar a fonte]

Nado en Amherst, Massachusetts, fillo dun dentista local,[1] medrou na mesma zona coa súa irmá Patty e o seu irmán maior Mike.[2] A súa nai, Theresa, morreu en 1985 mentres que o seu pais, Joseph Sr., morreu en 1993.[3][4]

Mascis converteuse nun fan da música e entusiasta da batería aos 9 anos, e posteriormente uníuse ao conxunto de jazz do colexio como batería.[5]

Aos 17 anos, a principios dos 80, Mascis uníuse á banda hardcore de curta vida Deep Wound, cos amigos do instituto Lou Barlow, Scott Helland e Charlie Nakajima.[4] Comezou tocando a batería, pero cambiou para a guitarra cando fundou o grupo Dinosaur Jr. (co baixista Barlow e o batería Patrick "Murph" Murphy) en 1984 acadando éxito en todo o país.[4] A súa voz foi comparada coa de Neil Young, e os seus riffs de guitarra designados coma "monolíticos".[6] Despois de que Mascis despedise a barlow de Dinosaur Jr. en 1989 gravou varios discos coa banda ata 1997, e tamén un álbum en solitarios acústico titulado Martin + Me en 1996. En 1989 Kurt Cobain suxeriu que Mascis se unise a Nirvana como guitarrista.[7]

Foi batería do proxecto paralelo Upsidedown Cross, unha banda de doom metal de Boston que tamén contaba con Seth Putnam de Anal Cunt, que editou un álbum auto-titulado co selo Taang! Records en 1991. Mascis escribiu temas para a película Gas, Food, Lodging e fixo un cameo na mesma. En 1996 tivo un pequeno papel no filme Grace of my Heart e achegou un par de temas á súa banda sonora. No ano 2000 comezou a traballar nos discos da súa nova banda, J Mascis and the Fog.

En abril do 2005 Mascis reuniuse con Barlow e Murph, o trío orixinal de Dinosaur Jr., para realizar unha xira de celebración da re-edición dos seus primeiros tres álbums. Dende entón lanzaron dous novos traballos: Beyond (2007) e Farm (2009).

No mes de agosto do 2005 Mascis editou un novo traballo en solitrio baixo o nome de J Mascis and Friends, J and Friends Sing and Chant For Amma, un álbum adicado ao líder relixioso hindú Mata Amritanandamayi, sobre o cal anteriormente compuxera a canción "Ammaring", aparecida no primeiro álbum de J Mascis + The Fog More Light. Os beneficios do disco foron doados á organización de Mata Amritanandamayi, que actuou axudando aos damnificados do tsunami do ïndico do ano anterior.

Discografía[editar | editar a fonte]

En solitario[editar | editar a fonte]

Álbum Ano Selo
Several Shades of Why 2011 Sub Pop Records
Tied to a Star 2014 Sub Pop Records
Elastic Days 2018 Sub Pop Records
What Do We Do Now 2024 Sub Pop Records

Notas[editar | editar a fonte]

  1. Lester, Paul (2012-08-03). "J Mascis: 'I never took it that seriously'". The Guardian (en inglés). ISSN 0261-3077. Consultado o 2024-03-08. 
  2. "Picking Up the Slack". Spin. Consultado o 8 de marzo de 2024. 
  3. "J Mascis". Exclaim! (en inglés). Consultado o 2024-03-08. 
  4. 4,0 4,1 4,2 "Dinosaur Jr.: Rediscovering the Gnarl". Spin. Consultado o 8 de marzo de 2024. 
  5. "How a 16-year-old J Mascis from Dinosaur Jr. got into straight-edge and learnt to play anywhere". Loud And Quiet (en inglés). Consultado o 2024-03-08. 
  6. "J Mascis Songs, Albums, Reviews, Bio & More". AllMusic (en inglés). Consultado o 2024-03-08. 
  7. "How J Mascis Almost Joined Nirvana (Twice!) and Built to Spill". Spin. Consultado o 8 de marzo de 2024.