Iván Ferreiro

Na Galipedia, a Wikipedia en galego.
Iván Ferreiro
IvánFerreiroEnDirecto.jpg
Iván Ferreiro en concerto
Nome completo Iván Ferreiro
Naceu Nigrán, Galicia Flag of Galicia.svg
Xénero Pop-Rock
Instrumento(s) Voz
Selo(s) discográfico (s) WEA
Relacionado con Los Piratas
Tempo en activo 1990 — actualidade
Na rede
www.ivanferreiro.es

Iván Ferreiro, nado en Nigrán, é un músico galego coñecido por ser durante trece anos o cantante e líder do grupo pop-rock Los Piratas, do que tamén compuxo a maioría das cancións, e tamén pola súa carreira en solitario. A súa voz, peculiar e cun amplo rexistro, interpretou as cancións míticas deste grupo, como foron "Promesas que no valen nada", "Años 80" ou "Mi coco".

Traxectoria[editar | editar a fonte]

Iván Ferreiro xunto ó seu irmán Amaro.

Trala separación de Los Piratas a finais de 2003, Iván decidiu non afastarse do mundo da música, e comezou a tocar co seu irmán Amaro nun pub de Vigo, chamado El Ensanche. As actuacións celebrábanse tódolos mércores anunciadas como «Rai Doriva e As Ferreiro». Os irmáns Ferreiro facíanse pasar por dúas amas de casa (Ivonne e Tamara) que para perder o seu medo escénico acompañaban ó cantante portugués Rai Doriva, que porén nunca acudiu ós concertos. Pese a non facer publicidade, pronto moita xente enterouse e comezou a acudir ós concertos que semanalmente daban os irmáns Ferreiro, que máis tarde comezaron a actuar tamén en Nigrán (Pontevedra), versionando cancións de Los Planetas, Andrés Calamaro e Alaska y Dinarama entre outros.

Mentres, Iván Ferreiro continuaba creando temas e pronto tivo suficiente material como para editar un disco: Canciones para el tiempo y la distancia (2005), que o consagraría como cantante en solitario. Na súa xira Tournedo, coa que percorreron toda España, Iván tocou acompañado do seu irmán Amaro á guitarra e de Karlos Arancegui á batería.

En novembro de 2005, Iván ideou un proxecto chamado Laboratorio Ñ, consistente en reunirse con outros músicos e amigos durante dúas semanas nunha casa de Bos Aires para crear entre todos novas canciones. Os acompañantes de Iván nesta experiencia foron Juan Aguirre e Eva Amaral (o dúo Amaral), Xoel López (cantante de Deluxe), Pereza, Quique González, así como varios artistas arxentinos.

O seu seguinte álbum de estudo, publicado a finais de outubro de 2006, titúlase Las siete y media e reúne oito cortes que o artista compuxo durante a súa xira "Tournedo 2006".

Amaro Ferreiro gravou en solitario un novo disco, xa á venda, co título de Laciudadelasagujas. Mentres, Iván gravou un novo disco chamado Mentiroso mentiroso, que saiu á venda o 25 de marzo de 2008, aínda que comenzou a xira de presentación o 13 do mesmo mes.

Discografía[editar | editar a fonte]

Artigo principal: Discografía de Iván Ferreiro.

Álbums[editar | editar a fonte]

* Canciones para el tiempo y la distancia (2005) CD + DVD
* Las siete y media (2006) EP
* Mentiroso mentiroso (2008)
* Mentiroso mentiroso en directo (2008)
* Picnic extraterrestre (2010)
* Confesiones de un artista de mierda (2011)

Véxase tamén[editar | editar a fonte]

Ligazóns externas[editar | editar a fonte]