Is This It

Na Galipedia, a Wikipedia en galego.
Is This It
Álbum de The Strokes
Publicado: {{{publicado}}}
Datas de gravación:
Estudio(s) de gravación:
Duración: 36:28
Xénero: indie rock, garage rock
Selo(s): RCA
Producido por: Gordon Raphael
Cronoloxía
- Is This It Room on Fire
(2003)

Is This It é o primeiro álbum de estudio da banda estadounidense de indie rock The Strokes. Producido por Gordon Raphael, o álbum foi lanzado por primeira vez o 30 de xullo de 2001, na Australia, pola RCA Records. O álbum entrou na lista da UK Albums Chart no segundo posto e atinxiu o 33º posto nos EUA pola Billboard 200, chegando a conseguir o disco de platino en varios mercados. Os temas "Hard to Explain", "Last Nite", e "Someday" forob lanzadas como singles.

The Strokes esforzáronse para conquistar un rock máis simple que non fose tan reforzado polos efectos de estudio. Traballando a partir do EP de 2001, The Modern Age, os membros da banda moldearon as composicións en grande parte a través de gravacións ao vivo durante as sesións no estudio, mentres o compositor Julian Casablancas continuaba a detallar a vida e as relacións entre a xuventude urbana nas súas letras. Despois da finalización de Is This It, os compoñentes de The Strokes embarcáronse nunha xira mundial para promocionar o álbum mesmo antes do lanzamento. A fotografía da portada do álbum causou polémica por ser sexualmente explícita e foi substituída nos mercados dos EUA. A lista de temas na versión estadounidense tamén foi alterada debido aos ataques terroristas do 11 de setembro.

Promovido pola prensa musical como un álbum cun son influenciado pola música pop, The Strokes gañou a aclamación da crítica e atención comercial. Is This It foi eloxiado polo seu carisma e ritmo, e mesmo destacando que ten referencias das bandas de garage rock dos anos 70. O álbum foi e aínda é considerado como crucial na formación das outras bandas de música alternativa e da industria musical do século XXI. Foi considerado por diversas publicacións como o álbum máis importante dos anos 2000 e entre os mellores de todos os tempos. Is This It foi listada como unha das 50 gravacións máis importantes da década polo programa All Songs Considered da emisora estadounidense National Public Radio[1]. A páxina web Rockfeedback situouno no posto 8 da súa lista dos mellores álbums da década[2].

Lista de temas[editar | editar a fonte]

Todas as cancións foron escritas por Julian Casablancas e compostas por The Strokes.

  1. "Is This It" 2:35
  2. "The Modern Age" 3:32
  3. "Soma" 2:38
  4. "Barely Legal" 3:58
  5. "Someday" 3:07
  6. "Alone, Together" 3:12
  7. "Last Nite" 3:18
  8. "Hard to Explain" 3:48
  9. "New York City Cops" 3:36
  10. "Trying Your Luck" 3:28
  11. "Take It or Leave It" 3:16

Duración: 36:28

  • A pista 9 "When It Started" (2:57) substitúe o tema "New York City Cops" na versión estadounidense.
  • O DVD extra da reedición contén os vídeos musicais de tres singles do álbum e dúas actuacións inéditas ao vivo de The Strokes en MTV2.

Banda e persoal[editar | editar a fonte]

Banda[editar | editar a fonte]

Produción[editar | editar a fonte]

Deseño[editar | editar a fonte]

Notas[editar | editar a fonte]