Irmáns Coen

Na Galipedia, a Wikipedia en galego.
Irmáns Coen

Joel Coen naceu o 29 de novembro de 1954 e Ethan Coen o 21 de setembro de 1957. Son denominados os irmáns Coen e son coñecidos por ser dous irmáns directores de cine que traballan habitualmente xuntos, tanto é así que mesmo hai quen os deu en chamar o director bicéfalo. Convertéronse nos maior expoñente do cinema independente norteamericano. Capaces de facer películas que entusiasman os críticos e ao tempo crean grande expectación entre o público.

Infancia[editar | editar a fonte]

Os irmáns medraron en St.Louis Park (un arrabalde de Minneapolis, Minnesota). Seus pais, Edward e Rena Coen, son ambos profesores: o pai é especialista en economía pola Universidade de Minnesota e a nai en historia da arte pola Universidade Estadual St.Cloud.

Sendo rapaces, Joel economizou diñeiro suficiente podando arbustos de xardín para mercar unha cámara Vivitar Super-8,e xuntos reelaboraron diferentes filmes que viran na televisión cun amigo veciño que facía de estrela en tanto eles dirixían ou facían de secundarios.

Formación[editar | editar a fonte]

Os dous irmáns Coen estudaron na Simon's Rock Early College (agora Simon's Rock College of Bard) en Great Barrington, Massachusetts. Simon's Rock é indicada para estudantes brillantes que buscan iniciar a súa educación universitaria antes de tempo. Despois de formarse en Simon's Rock, Joel botou catro anos no programa universitario de filmes da Universidade de Nova York onde realizou un filme-tese de 30 minutos chamado Soundings. O filme mostraba unha muller en relacións sexuais co seu namorado xordo, que durante o acto verbalmente fantasiaba estar tendo a relación co mellor amigo do namorado, que estaba ouvindo no cuarto do lado. Despois de tamén se ter formado en Simon's Rock, Ethan entrou na Universidade Princeton e conseguiu un grao en filosofía en 1979. A súa tese foi un ensaio de 41 páxinas intitulado: Two Views of Wittgenstein’s Later Philosophy(Dúas visións da Filosofía Serodia de Wittgenstein).

Despois de se formar en Nova York, Joel trabalhou como asistente de produción nunha variedade de industrias de filmes e vídeos musicais. Desenvolveu un talento especial para a edición de filmes e topou con Sam Raimi, que estaba procurando un asistente de director para o seu primeiro filme, The Evil Dead (1981).

Filmografía[editar | editar a fonte]

Premios[editar | editar a fonte]

Oscares[editar | editar a fonte]

Ano Categoría Filme Resultado
2000 Oscar ao mellor guión adaptado O Brother, Where Art Thou? Candidato
1996 Oscar á mellor dirección Fargo Candidato
1996 Oscar ao mellor guión orixinal Fargo Ganador
1996 Oscar á mellor montaxe Fargo Candidato

Ligazóns externas[editar | editar a fonte]