Iosif Kobzon

Na Galipedia, a Wikipedia en galego.
Kobzon en 2007

Iosif Davidovich Kobzon (en ruso Иосиф Давыдович Кобзон, nado en Chasiv Yar o 11 de setembro de 1937, é un cantante ruso.

Traxectoria[editar | editar a fonte]

Kobzon naceu nunha familia xudía nunha cidade mineira da rexión de Donbass, en Ucraína, xa de neno demostrou habilidades para cantar, gañando concursos rexionais de cancións e aparecendo en concertos dedicados a Iosif Stalin - o que era unha honra na época -, máis tarde estudou xeoloxía e minería, porén en 1956 durante a súa época de servizo no Exército soviético decidiu dedicarse á música, comezando a súa carreira en 1958 en Moscova mentres estudaba no Instituto Gnessin, o compositor Arkadi Ostrovski permitiulle interpretar algunha da súa música, e comezou a se facer coñecido, inicialmente actuaba nun dueto co tenor Viktor Kokhno, pero gradualmente foi ofrecendo concertos en solitario con repertorio de Mark Fradkin, Alexander Dolukhanian e Yan Frenkel. En 1962 gravou o seu primeiro LP con cancións de Aleksandra Pakhmutova, en 1964 participou nun festival internacional da canción en Sopot (Polonia), a súa popularidade foi en aumento e a súa canción máis popular foi "A u nas vo dvore". Durante a época de Leonid Brezhnev (1964–82), participou en case todos os concertos oficiais da URSS e en 1980 recibiu o título honorario de Artista do Pobo da URSS. Membro do Partido Comunista da URSS desde 1973 foi expulsado en 1983 por cantar cancións xudías en apoio de Israel pero ao ano seguinte viu como se restituía a súa honra, e recibía o Premio Estatal da URSS.

Monumento a Kobzon en Donetsk.

En 1989 foi elixido como membro da Duma e entre 2005 e 2005 estivo á fronte do comité de cultura do parlamento.

Véxase tamén[editar | editar a fonte]

Ligazóns externas[editar | editar a fonte]