Interferencia

Na Galipedia, a Wikipedia en galego.

A interferencia é a recepción de dous ou máis sinais de fontes diferentes, isto é, a sobreposición de dúas ou máis ondas no mesmo punto no espazo, formando un novo padrón de onda. O termo reférese, usualmente, para a interferencia de ondas mutuamente coherentes, sexa porque teñen a mesma orixe ou porque teñan frecuencia igual ou semellante. Dúas ondas non monocromáticas serán apenas totalmente coherentes unha coa outra se tiveren exactamente o mesmo espectro de lonxitude de onda e a mesma diferenza de fase en cada unha das lonxitudes de onda que as constitúen.

A interferencia pode ser tanto construtiva como destrutiva, dependendo da fase dos sinais que se atopan. Se as ondas chegan en fase, a sobreposición é construtiva; en oposición de fase, a interferencia será destrutiva, levando á anulación da onda, se as amplitudes foren iguais.