Inklings

Na Galipedia, a Wikipedia en galego.
Esquina do pub Eagle and Child, onde os Inklings se xuntaban.

Os Inklings eran un cenáculo de académicos e escritores ingleses vencellados á Universidade de Oxford, a maior parte de eles cristiáns, que se reuniu en Oxford entre os anos trinta e os sensenta, aínda que a súa época máis intensa durou só até 1949.[1] Os Inklings eran entusiastas da literatura, que ponderaban o valor da narrativa en ficción, e que impulsaban a escrita de fantasía.

Membros e reunións[editar | editar a fonte]

O pub The Eagle and Child de Oxford onde se xuntaban os xoves á mañá.

Os membros máis regulares, moitos deles académicos na Universidade, foron C. S. "Jack" Lewis, J. R. R. "Tollers" Tolkien, Owen Barfield, Charles Williams, o fillo de Tolkien Christopher, o irmán maior de Lewis "Warnie", Roger Lancelyn Green, Adam Fox, Hugo Dyson, R. A. "Humphrey" Havard, J. A. W. Bennett, Lord David Cecil e Nevill Coghill. Outros asistentes menos frecuentes foron Percy Bates, Enid Blyton, Charles Leslie Wrenn, Colin Hardie, James Dundas-Grant, John David Arnett e Jon Fromke[2], John Wain, R. B. McCallum, Gervase Mathew, e C. E. Stevens. Outros convidados foron E. R. Eddison e o poeta surafricano Roy Campbell. Como era común naquel momento e lugar, todos os Inklings eran homes. Dorothy L. Sayers, ás veces considerada unha deles, era amiga de Lewis e de Williams, mais nunca asistiu ás súas xuntanzas.

O debate sobre literatura e teoloxía, e a lectura e crítica dos traballos sen finalizar dos membros eran as principais actividades. O Señor dos Aneis de Tolkien, Out of the Silent Planet de Lewis e All Hallows' Eve de Williams son algunhas das novelas que foron lidas por vez primeira aos Inklings. As reunións non eran totalmente serias, senón que transcurrian nun ambiente informal e de camaradaría.

Até 1949 as reunións dos Inklings celebrábanse polo xeral as noites dos xoves, nas habitacións de C. S. Lewis no Magdalen College. A miúdo xuntábanse tamén os xoves a mediodía no pub The Eagle and Child.[3] Anos despois cambiaron de lugar, pasando ao The Lamb and Flag.

Notas e referencias[editar | editar a fonte]

  1. KILBY, Clyde S. e MEAD, Marjorie Lamp (1982). Brothers and Friends: the diaries of Major Warren Hamilton Lewis. ISBN 9780345346650.
  2. "The Inklings" (en inglés). The Journal of Inklings-Studies. http://www.inklings-studies.com/inklings.html. Consultado o 15 de marzo de 2012.
  3. Eagle & Child pub

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]